Jón Ein­ars­son er tveggja barna faðir 14 ára gam­als drengs og 12 ára gam­allar dóttur. Dóttirin, Indíana Rós, fædd­ist í lík­ama drengs en strax í leik­skóla fór hún að sýna hegðun sem var mjög ólík þeirri sem bróðir hennar hafði sýnt á sama aldri.

„Við höfðum nátt­úr­lega sam­an­burð varð­andi eldri strák­inn upp á að ala upp dreng og hvernig hann lék sér í hasar­leikjum og var eins mik­ill gaur og hægt var en hún var allt öðru­vísi en hann,“ segir Jón.

„Hún vildi alltaf vera með stelp­unum, leika sér með stelpu­dót og vera í stelpu­fötum. Maður hélt alltaf fyrst að þetta væri eitt­hvert tíma­bil eins og maður hefur oft heyrt þannig að við vorum ekk­ert að stressa okkur á þessu en svo kom þetta meira og meira í ljós. Hún vildi bara ein­hvern veg­inn vera stelpa.“

Indíana Rós hafði alltaf verið klædd í strákaföt og þegar bún­inga­dagar voru í …