Börnin okkar - Heimildin

Viðtal

„Ég þekki hana ekki öðruvísi en sem stelpu“

Jón Einarsson er faðir trans stúlku sem í leikskóla vildi leika sér með stelpudót og klæðast kjólum. Nafni hennar var breytt í Þjóðskrá þegar hún var átta ára og í dag er hún 12 ára. „Ef hún væri að koma út sem trans í dag, 12 ára gömul, þá væri þetta eðlilega meira sjokk fyrir okkur. Ég þekki hana ekki öðruvísi en sem stelpu,“ segir Jón um dóttur sína.

Viðtal

„Hún var í rauninni að hverfa í höndunum á okkur“

Dóttur Maríu Gunnarsdóttur hafði liðið illa í um tvö ár þegar hún kom loks út sem trans 15 ára gömul. „Ég er mjög ánægð að hún hafi treyst sér til þess að tala við okkur og hvað hún var hugrökk,“ segir María, sem vill vekja athygli á því að trans börn standa ekki ein. „Við viljum ekki að það sé verið að meiða þau.“

Viðtal

Fann fyrir sterkri þörf fyrir að vernda dóttur sína eftir að hún kom út

Guðrún Karls Helgudóttir, biskup Íslands, er tveggja barna móðir en dóttir hennar kom út sem trans 14 ára gömul. „Fyrstu tilfinningalegu viðbrögðin voru svolítið eins og það hefði verið sparkað harkalega í magann á mér því ég fór strax að hugsa um hvað henni hlyti að hafa liðið illa undanfarið. En um leið fann ég fyrir svo mikilli ást; svo sterkri þörf fyrir að vernda hana,“ segir Guðrún.

10 mín. lestur