Orð valdhafa um útlendinga geti leitt til aukinnar hatursorðræðu

Lenya Rún og Vigdís, verða í Pressu í dag til að ræða útlend­inga­andúð á Íslandi. Diljá Mist Ein­ars­dóttir, þing­kona Sjálf­stæð­is­flokks­ins og for­maður utan­rík­is­mála­nefndar Alþingis, og Guðrún Margrét Guð­munds­dóttir, sér­fræð­ingur hjá ASÍ í mál­efnum inn­flytj­enda og flótta­fólks á vinnu­mark­aði, koma einnig í þátt­inn.

Þá verður birt brot úr við­tali Heim­ild­ar­innar við Jasminu Vajzović. Þar bregst hún við umdeildri færslu Bjarna Bene­dikts­sonar utan­rík­is­ráð­herra á Facebook. Jasmina, sem fyrir 27 árum neydd­ist til að flýja stríðs­á­stand í Bosníu og Her­segóvínu, segir mál­flutn­ing utan­rík­is­ráð­herra stór­hættu­legan. 

Lenya Rún tekur undir þetta. „Ég held þetta gæti leitt til auk­innar hat­urs­orð­ræðu og meiri kerf­is­bund­inna for­dóma gagn­vart fólki af erlendum upp­runa.“

Andúð gagn­vart útlend­ingum hefur farið vax­andi víða á Vest­ur­löndum síð­ustu ár. Hana má meðal ann­ars sjá í fylg­is­aukn­ingu stjórn­mála­flokka í Evr­ópu­löndum sem vilja herða inn­flytj­enda­lög­gjöf.

Alger umpólun varð í umræð­unni um útlend­inga­mál á Íslandi í sumar að mati Eiríks Bergmann stjórn­mála­fræð­ings en þá hafði Bjarni Bene­dikts­son, þá fjár­mála­ráð­herra, sagt að við hefðum misst tökin á mála­flokknum, kostn­aður væri  far­inn upp úr þak­inu. Það væri óásætt­an­legt. Sjálf­stæð­is­menn myndu áfram berj­ast fyrir því að þessum hlutum yrði komið í lag.

Fyrir viku birti Bjarni svo hina umdeildu færslu á Facebook. „Það sem næst þarf að ger­ast í þessum mála­flokki er að herða reglur um hæl­is­leit­enda­mál og sam­ræma því sem ger­ist hjá nágranna­þjóðum. Auka þarf eft­ir­lit á landa­mærum,“ skrif­aði Bjarni og ítrek­aði það sem hann hefur áður sagt, að inn­viðir væru komnir að þol­mörkum. 

Á sama tíma og ýmsar Evr­ópu­þjóðir eru að þrengja lag­ara­mma sína til að færri  geti leitað verndar í lönd­unum neyð­ast sífellt fleiri til að flýja heim­ili sín. Flótta­manna­stofnun Sam­ein­uðu þjóð­anna telur að í lok þessa árs verði 131 milljón á ver­gangi. Yfir­maður flótta­manna­að­stoðar Sam­ein­uðu þjóð­anna hefur sagt að þjóð­ar­leið­togar gegni lyk­il­hlut­verki í að bregð­ast við á tímum þegar hat­urs­orð­ræða í garð flótta­fólks fær­ist í auk­ana.