Forsetinn sendir Grindvíkingum skilaboð

Forseti Íslands, Guðni Th. Jóhann­es­son, sendi lands­mönnum kveðju rétt í þessu vegna eld­goss á Suð­ur­nesjum sem hófst fyrr í kvöld. Grind­vík­ingar fengu sér­stak­lega hlýja kveðju frá for­set­anum. 

„Góðir lands­menn. Eldgos er hafið í grennd við Grinda­vík. Ekki er ljóst hvaða usla það getur valdið en nú reiðum við okkur á vís­inda­fólk okkar auk allra þeirra sem þurfa að sinna eft­ir­liti og öðrum aðgerðum. Framar öllu verndum við manns­líf en sinnum öllum vörnum mann­virkja eftir bestu getu. Ég sendi sem fyrr hlýjar kveðjur til Grind­vík­inga og þeirra sem nú sinna störfum á vett­vangi. Og að sjálf­sögðu ber fólki að fylgja öllum til­mælum Almanna­varna á þess­ari hættu­stundu.“

GosiðMynd sem Land­helg­is­gæslan tók á vett­vangi fyrr í kvöld.

Mynd: Almanna­varnir

For­sæt­is­ráð­herraHugsar með hlý­hug til fólks­ins á svæð­inu.

Mynd: Heiða Helga­dóttir

Fyriri klukku­tíma sagði for­sæt­is­ráð­herra, Katrín Jak­obs­dóttir, að ljóst væri að um væri að ræða tölu­vert gos. Í færslu hennar sagði að eld­gos væri hafið á Reykja­nesskaga milli Sýl­ing­ar­fells og Haga­fells en rým­ing hefur staðið yfir í Grinda­vík frá 10. nóv­em­ber. „Nú sjáum við jörð­ina opn­ast og getum þakkað fyrir alla okkar góðu við­bragðs­að­ila og vís­inda­menn sem hafa vaktað þetta svæði und­an­farnar vikur og mán­uði. Varn­ar­garðar eru langt komnir sem mun geta skipt veru­legu máli en ég mælti fyrir frum­varpi um heim­ild til að reisa slíka garða strax í kjöl­far rým­ingar. Hugur okkar er hjá heima­fólki nú sem fyrr, við vonum það besta en ljóst má vera að þetta er tölu­vert gos. Mik­il­vægt er að veita við­bragðs­að­ilum rými til að vinna sína vinnu og fylgja leið­bein­ingum um umferð.“

Frá Skerja­firðiKatrín birti þessa mynd frá Skerja­firði með færsl­unni.

Mynd: Katrín Jak­obs­dóttir