Sigurður Ingi Jóhannsson innviðaráðherra segist ekki vita með vissu hversu margar húsnæðiseiningar verði fluttar inn vegna húsnæðisþarfar Grindvíkinga, en líklegast væri um tvö hundruð einingar að ræða í fyrsta áfanga af mörgum. „Það væru einhver hundruð sem þyrfti að flytja inn í einhverjum áföngum. Síðan verðum við að taka skref í takti við það hvernig náttúran hagar sér [...] Þetta þurfum við að meta og það getur breyst aftur þannig að við verðum tilbúin til hins, að panta inn þær einingar sem þarf.“
Þetta staðfesti hann eftir blaðamannafund um húsnæðisstuðning við Grindvíkinga en sérstakur starfshópur er að sögn Sigurðar að störfum við að skoða slíkan innflutning. Aðspurður að því af hverjum slíkar húsnæðiseiningar yrðu keyptar, segir hann það í skoðun. „Það er verið að skoða þarfagreiningar, gæðin og framboð. Síðan verður lagst yfir það með jafnræði í útboðunum og nálgunum hvernig það yrði gert.“
Það eru engin slík tilboð í …
Athugasemdir (2)