Ætti ekki að hrósa Bjarna Ben um of

Fjöl­margir hafa stigið fram í dag og hrósað Bjarna Bene­dikts­syni, fjár­mála­ráð­herra og for­manni Sjálf­stæð­is­flokks­ins í hástert, fyrir afsögn sem hann til­kynnti í morgun. Þing­maður Pírata telur ekki þörf á að hrósa Bjarna um of. 

Bjarni sagði af sér í morgun í kjöl­far birt­ingar álits Umboðs­manns Alþingis sem komst að þeirri nið­ur­stöðu að Bjarni hafi verið van­hæfur til að að selja félagi í eigu föður síns, Bene­dikts Sveins­sonar, hlut í Íslands­banka í lok­uðu útboði sem fram fór í mars í fyrra.

Björn Leví Gunnsegir að afsögnin hafi komið honum „pínu“ á óvart en að álit Umboðs­manns hafi „tví­mæla­laust“ verið efni til afsagnar. 

„Í öllum eðli­legum kring­um­stæðum í lýð­ræð­is­ríkjum er þetta tví­mæla­laust til­efni til afsagnar. Það hefur ekki alveg verið svona venjan hérna á Íslandi,“ segir Björn Leví. „Þetta var ánægju­leg til­breyt­ing en kannski ekki eitt­hvað sem við ættum að hrósa um of því að þetta ætti að vera eðli­leg ákvörðun.“

„Þessi niðurstaða hefði átt að vera komin“ 

Bjarni sagði á blaða­manna­fundi í morgun að álit Umboðs­manns Alþingis hafi komið honum á óvart. Björn Leví aftur á móti segir að nið­ur­staða umboðs­manns­ins hafi ekki komið honum á óvart.

„Það voru allir í rík­is­stjórn­inni, stjórn­ar­þing­menn sem fóru í ákveð­inn varn­ar­kór og gagn­rýndu þær kröfur okkar að við vildum rann­sókn­ar­skýrslu til dæmis frá rann­sókn­ar­nefnd, sögðu að það væri byggt á ein­hverjum sandi,“ segir Björn Leví. „Það eru orð sem þau þurfa að íhuga núna og taka ákveðna ábyrgð á.“

Nú er fjár­mála­ráð­herra búinn að segja af sér, ætti [Íslands­banka­mál­inu] þá ekki bara að vera lokið, er þetta ekki bara komið gott?

„Þetta er fyrsta skrefið. Það er orðið það langt síðan að þessi nið­ur­staða hefði átt að vera komin,“ segir Björn Leví.

Viðtalið við hann í heild má nálg­ast í spil­ar­anum hér að ofan.