Á tíma­bili var helsti galli hátíð­ar­innar að þar voru hrein­lega alltof margar myndir og mynda­valið á köflum ansi til­vilj­ana­kennt, en það hefur breyst mikið – mynd­irnar eru færri og fók­us­inn skýr­ari. Flestar mynd­irnar í stærstu flokk­unum hafa verið frum­sýndar á kvik­mynda­há­tíðum á borð við Cannes, Berl­inale, Feneyjar, Locarno og Sundance eða stærstu hátíðum heim­ilda­mynda­heims­ins og er það vel – RIFF er ein­fald­lega ekki nógu fram­ar­lega í gogg­un­ar­röð­inni til að vera mikil frum­sýn­ing­ar­há­tíð, af því það myndi bara þýða að hún fengi bara mynd­irnar sem stærstu hátíð­irnar hafna. En hvað er mest spenn­andi í ár? 

3 heiðurs-RIFF

Það er ekki þver­fótað fyrir heið­urs­gestum á þess­ari hátíð – en með fullri virð­ingu fyrir leik­stjór­unum sem mæta þá standa stór­leikkon­urnar Isabelle Huppert og Vicky Krieps upp úr. Þetta eru ein­fald­lega tvær albestu leikkonur Evrópu, af sitt­hvorri kyn­slóð­inni. Prófið bara að fletta hinni sjö­tugu Huppert upp í ein­hverjum mynda­banka inter­nets­ins – …