Sjálfur hafði ég ekki heyrt Sinead lengi þegar ég heyrði fyrir til­viljun und­ur­fal­legt og skrítið lag á óræðu ensku­skotnu tungu­máli á kaffi­húsi – og upp­götv­aði með hjálp galdra­tæk­is­ins Shazam að þetta væri fyrsta lag Throw Down Your Arms, sem er betur þekkt sem reggí­plata Sinead.

Þar syngur hún klass­ísk rótar-reggílög, en sú und­ir­grein reggís­ins blandar saman trú­ar­stefjum við mann­rétt­inda­bar­áttu – eitt­hvað sem er sömu­leiðis stef á ferli og lífi söng­kon­unnar sjálfrar. Þetta lag heitir Jah Nu Dead og blandar saman ensku og rastafarí-slangri, Jah þýðir til dæmis Guð á rastafari. Það var upp­haf­lega sungið af Burning Spear 1978 og rétt eins og Prince má Burning Spear þola það að ábreiða Sinead er umtals­vert betri en org­inal­inn.

Þá við­ur­kenndi Bono að söng­konan hefði rænt hjarta hans þegar hún flutti lag hans, You Made Me The Thief Of Your Heart, fyrir mynd­ina In the Name of the Father. Það kom aldrei annað til greina en að láta Sinead syngja lagið, eða eins og Jim Sheridan, leik­stjóri mynd­ar­innar, orð­aði það: „Þótt myndin heiti Í nafni föð­ur­ins, þá snýst þetta allt um móð­ur­ina. Karl­maður getur ekki sungið þetta lag. Móðir Írland þarf kven­rödd.“