Við Miðstöð í Reykja­nesbæ er margt fólk á leið­inni í og úr strætó um hádeg­is­bil þann 21. júní. Sumir íslenskir, aðrir ekki. Í stræt­is­vagn­inum R3 eru í kringum 30 manns og fæstir segja neitt. Barn hlær og ung­lings­stúlka af íslenskum upp­runa spilar TikTok mynd­bönd aft­ast í vagn­inum sem lið­ast áfram um Ásbrú, sam­fé­lag frum­kvöðla, fræða og atvinnu­lífs.

Versti vagninn

Daginn áður, þann 20. júní, birt­ist grein á mbl.is þar sem greint var frá neyð­ar­á­standi og slæmum vinnu­skil­yrðum strætó­bif­reiða­stjóra fyr­ir­tæk­is­ins Bus4u sökum erf­iðra far­þega sem til­heyra „ákveðnum hópi“ sam­fé­lags­ins. Þá er stræt­is­vagn­inn R3 sem ferð­ast Ásbrú­ar­leið tal­inn ein­stak­lega slæmur vegna of margra far­þega og stingur eig­andi Bus4u upp á því að þau strætókort sem fólk á flótta fær verði ekki gild í stræt­is­vagn­ana lengur. 

Blaða­maður ákvað að fara með stræt­is­vögnum Bus4u þessa leið og átti von á ófremd­ar­á­standi. En kannski var það til­viljun, tíma­setn­ingin eða eitt­hvað annað sem réði því að …