„Þetta gerð­ist á löngum tíma, eins og oft er með alkó­hólista. Smám saman dimmir í kringum þá. Eins og fólk sem hefur þurft að horfa upp á vini, ætt­ingja og maka sog­ast inn í þetta þekkir þá máir alkó­hól­ismi út svip­brigði og áfengið fer eins og sand­pappír á karakt­er­inn og gerir hann svip­minni. Það er þetta sem alkó­hól­ism­inn gerir,“ segir rit­höf­und­ur­inn Jón Kalman Stef­áns­son, þegar hann er spurður um and­lát vinar síns, Eiríks Guð­munds­sonar útvarps­manns, sem hann til­einkar nýj­ustu skáld­sögu sína, Gula kaf­bát­inn. Bókin kom út fyrir jólin.  

Eiríkur, sem starf­aði um ára­bil sem útvarps­maður á RÚV, hafði glímt við alkó­hól­isma í mörg ár áður en hann lést í ágúst í fyrra ein­ungis 52 ára að aldri. 

 „Við vorum sálu­fé­lagar í rúman ald­ar­fjórð­ung, bæði í skáld­skap og líf­inu almennt,“ segir Jón Kalman. „Lengi vel ræddum við saman á nán­ast hverjum degi, ann­að­hvort í síma en aðal­lega í …