Á und­an­förnum árum hefur stundum verið fjallað um eitt­pró­sentið, svo­kall­aða, það er fólkið í allra efsta hund­raðs­hluta tekju- eða eigna­dreif­ing­ar­innar. Hvort hóp­ur­inn sem um ræðir telur akkúrat einn af hverjum hund­rað ein­stak­lingum í sam­fé­lag­inu er ekki aðal­at­riðið, það sem málið snýst um er hóp­ur­inn sem er ofur­ríkur af eignum eða hefur ofur­laun og þetta pró­sent er ein­fald­lega aðferða­fræði­leg ein­földun sem við getum notað til að greina breyt­ingar.

Í þessum pistli ætla ég að fjalla um þennan hóp sem á eignir og hefur tekjur langt umfram það sem flest okkar hinna eiga raun­hæfa mögu­leika á. Hvaðan kom þessi hópur? Hvenær og hvernig varð hann til? Hvað greinir hann að frá okkur hinum? Af hverju skiptir hann máli?

Hátekjufólkið stingur af

Hag­fræð­ing­arnir Anthony Barnes Atkinson og Thomas Piketty rann­sök­uðu þróun hæstu tekna í heim­inum og gáfu nið­ur­stöður sínar út í tveimur merkum bókum, Top Incomes over the Twentieth Century: A Contrast Between …