Myndin hér að ofan sýnir leikara í breskri glæpaseríu sem sýnd hefur verið undanfarin ár hér sem annars staðar við heilmiklar vinsældir. Hvað heitir serían?
Og lárviðarstig fæst fyrir að vita hvað heitir persónan sem Helen McRory sáluga lék og sést þarna á myndinni.
***
Aðalspurningar:
1. Elisabeth Schwarzkopf — hvað fékkst hún við í lífinu?
2. Hvar nam Skallagrímur land?
3. Queensland er hérað eða fylki í ... hvaða landi?
4. Söngkona ein sló í gegn með hljómsveit sinni þegar út kom árið 1982 lagið Back on the Chain Gang. Hvað hét hljómsveit hennar eða hún sjálf? Annaðhvort svarið dugir.
5. En hvað er annars „chain gang“?
6. Björn Ingi Hrafnsson hafði sig nokkuð í frammi á blaðamannafundum þríeykisins um Covid-19. Hann var þar á snærum eigin fjölmiðils sem hann kallar ... ?
7. Öndverðarnes heitir ysta táin á öllu stærra nesi. Hvaða nes er það?
8. Vernon og Petunia Dursley voru hjón. Þau áttu einn son að nafni Dudley og fer ekki miklum sögum af honum. Fóstursonur sem þau hjónin tóku og ólu líka upp er aftur á móti nafntogaður mjög. Og hann hét ... hvað?
9. Hvað heitir rithöfundur sá sem skrifar bækur um Harry Hole?
10. Rússi nokkur skrifaði á 19. öld skáldsögu sem heitir Feður og synir. Hver var höfundurinn?
***
Seinni aukaspurning:
Hvaða fáni er þetta?
***
Svör við aðalspurningum:
1. Söng.
2. Í Borgarfirði
3. Ástralíu.
4. Chryssie Hynde, söngkona The Pretenders.
5. Fangar hlekkjaðir saman við þrælkunarvinnu.
6. Viljann.
7. Snæfellsnes.
8. Harry Potter.
9. Jo Nesbo.
10. Turgenev.
***
Svör við aukaspurningum:
Á efri myndinni er leikarar úr þáttaröðinni Peaky Blinders. Persónan hét Polly frænka, Aunt Polly eða Polly Grey.
Á neðri myndinni er fáni Portúgals.
Spurningaþrautin
Fyrri grein
763. spurningaþraut: Hér koma við sögu Jesúa frá Nasaret, María Magdalena og Till Lindemann
Næsta grein
Athugasemdir