Þingkona lýsir misnotkun manns sem tók á móti henni í meðferð

Jódís Skúla­dóttir, þing­maður Vinstri grænna, lýsir því þegar maður sem mis­not­aði yfir­burða­stöðu sína gagn­vart henni tók síðan á móti henni þegar hún var send á Stað­ar­fell í eft­ir­með­ferð. Hún segir að nú sé nóg komið og kallar eftir aðgerðum því „hvert ömur­lega málið hafi rekið annað árum saman innan SÁÁ“.

„Þegar ég mætti með rút­unni í eft­ir­með­ferð á Stað­ar­fell í Dölum tók á móti mér maður sem var kanóna innan SÁÁ, sá sami hafði mis­notað yfir­burð­að­stöðu sína gagn­vart mér þrem árum fyrr. Ég hafði þá verið 17 ára, hann 30 ára. Hann, edrú, gaf mér áfengi, káf­aði á mér og tróð tung­unni upp í mig. Ég forð­aði mér en hann mætti heim til mín um nótt­ina og vildi kom­ast inn.“

Hún segir að þegar fundum þeirra hafi borið saman á sól­ríkum sum­ar­degi í Dölunum þremur árum síðar hafi mað­ur­inn kallað hana afsíðis og spurt hvort þau „væru ekki bara ok?“ Það kæmi sér illa fyrir þau bæði að vera eitt­hvað að ræða þetta. „Þetta er mín saga. Ég hef heyrt ótelj­andi aðrar, orðið vitni af enn öðru.“

Þetta kemur fram í Facebook-færslu sem Jódís birti í gær­kvöldi. Þar seg­ist hún þekkja vel til, sem skjól­stæð­ingur, aðstand­andi og starfs­maður til skamms tíma, en hún er jafn­framt stofn­fé­lagi í Rótinni - félagi um vel­ferð og lífs­gæði kvenna. „Ástæðan fyrir því að ég mætti á stofn­fund var fyrst og fremst að mér blöskr­aði svo óend­an­lega margt í starf­semi og hug­mynda­fræði innan SÁÁ. Fyrst og fremst það sem snýr að konum og börnum og þau rót­grónu kven­fjand­sam­legu og karllægu gildi sem ríktu innan sam­tak­anna.“

Þá segir hún að margir eigi SÁÁ margt að þakka, þar á meðal hún sjálf. Um sé að ræða öfl­ugt með­ferð­ar­úr­ræði en þegar fólk eigi líf sitt að launa úrræði sem það hefur leitað til í góðri trú sé erfitt og sárt að taka undir gagn­rýni á starf­sem­ina. Starfs­fólk mæti til starfa af heil­indum og sinni sjúk­lingum af alúð á hverjum degi. En yfir­manna­hróker­ingar dugi hins vegar ekki til á meðan menn­ingin breyt­ist ekki. „Eins og aðra heil­brigð­is­þjón­ustu eigum við á Íslandi að reka öfl­ugt opin­bert kerfi hvar byggt er á klínískri menntun og nýj­ustu rann­sóknum og vís­indum. Opinbert eft­ir­lit, opin­ber fjár­mál, opin­ber rann­sókn ásak­ana um ofbeldi,“ segir Jódís. „Það er bara tíma­bært að við sem sam­fé­lag horf­umst í augu við að heil­brigð­is­þjón­ustu ætti ekki að reka af frjálsum félaga­sam­tökum án þess að nokk­urra spurn­inga sé spurt.“