„Mig langar til að leika með þér í klám­mynd,“ sagði hann og horfði á hana, elti hana um og reyndi að færa henni gjafir. Hún kærði sig ekki um athygl­ina, eftir allt sem á undan var gengið, ofbeldi og áföll, var Frigg Ragn­ars­dóttir komin inn á spít­ala til að leita sér lækn­inga við vanda sem læknar höfðu skil­greint sem lífs­hættu­legan heila­sjúk­dóm. Hún átti samt erfitt með að forð­ast mann­inn í þessum aðstæðum og á end­anum gafst hún upp og fór heim án þess að ljúka með­ferð­inni.

Þetta var á Vogi, einka­reknu sjúkra­húsi SÁÁ fyrir áfengis- og vímu­efnafíkla. Frigg hafði lent í því áður að þurfa að yfir­gefa með­ferð­ina þar vegna þess að hún ótt­að­ist mann þar inni. Hún er ekki ein. Móðir hennar, Kolbrá Braga­dóttir, fylgdi vin­konu sinni í gegnum þá reynslu að vera fyr­ir­vara­laust rekin úr með­ferð eftir að hafa kvartað undan áreitni og árang­urs­laust reynt að leita …