Sjálfsævi­sögu­legi heim­ilda­söng­leik­ur­inn „Góðan dag­inn, Faggi“ er nú sýndur í kjall­ara Þjóð­leik­húss­ins. Um ein­leik er að ræða og er það Bjarni Snæ­björns­son sem leikur í raun sjálfan sig en leik­ritið er byggt á dag­bókum hans og bréfa­skriftum frá því hann var barn. „Hann byggir líka á hvernig ég hef gert upp ævi mína hingað til. Fók­u­s­punkt­ur­inn er kannski aðal­lega að sætt­ast við sjálfan sig eins og maður er og hvernig það var fyrir mig sem homma að alast upp í gagn­kyn­hneigðu sam­fé­lagi,“ segir Bjarni, sem er titl­aður höf­undur verks­ins og annar höf­undur og leik­stjóri er Gréta Kristín Ómars­dóttir. Axel Ingi Árnason samdi tón­list­ina sem er byggður á söng­leikja­hefð­inni.

Skömm yfir kynhneigðinni

Bjarni talar um skömm­ina sem hann upp­lifði í mörg ár við að vera sam­kyn­hneigður. „Verkið fjallar líka um upp­gjör við þessa skömm sem ég upp­lifði og teng­ist sam­fé­lag­inu og er í und­ir­með­vit­und­inni; ég held að þetta ger­ist ósjálfrátt …