Þessi grein birtist upphaflega í Stundinni fyrir meira en 3 árum.

Dómari líkir framtíð óbólusettra við gyðinga á tíma nasista

Hér­aðs­dóm­ar­inn Arn­ar Þór Jóns­son, sem býð­ur sig fram til Al­þing­is fyr­ir Sjálf­stæð­is­flokk­inn, spyr hvort ein­kenna eigi óbólu­setta með gulri stjörnu í Þýskalandi.

Dómari líkir framtíð óbólusettra við gyðinga á tíma nasista
Arnar Þór Jónsson Dómarinn er enn að störfum við héraðsdóm Reykjavíkur þrátt fyrir að taka þátt í kosningabaráttu.

Arnar Þór Jónsson, dómari við héraðsdóm Reykjavíkur og frambjóðandi Sjálfstæðisflokksins í Suðvesturkjördæmi, spyr hvort borgaraleg réttindi þeirra sem efast um gildi bólusetninga verði skert eins og gyðingar máttu upplifa á tímum Nasistaflokks Adolf Hitler í Þýskalandi.

Þetta kemur fram í umræðuþræði sem Arnar Þór stofnaði til á sunnudag í Facebook hópnum „Heildarmyndin“ þar sem umræða fer fram um samfélagsleg áhrif sóttvarnaraðgerða vegna Covid-19 faraldursins á Íslandi.

Birtir Arnar Þór frétt um stöðu mála í Þýskalandi þar sem rætt er um að neikvætt veirupróf muni að líkindum ekki vera jafngilt bólusetningarvottorði til frambúðar. Þjóðverjar þurfa í dag að sýna bólusetningarvottorð eða neikvætt veirupróf sem er innan við 24 tíma gamalt til þess að sitja innandyra á veitingastöðum og sækja kvikmyndahús, íþróttaleiki, menningarstofnanir eða aðra slíka viðburði. Yfir 91 þúsund manns hafa látist í landinu vegna faraldursins.

„Erum við að sigla inn í framtíð þar sem borgaraleg réttindi verða skilyrt með kröfu um að við séum „þæg börn“, þ.e. hlýðum, þegjum, höfum „réttar“ skoðanir, tökum öll lyf sem okkur er sagt að taka o.s.frv.?“ skrifar Arnar Þór í umræðum um fréttina. „Óþægilegt fólk (þ. querdenkers) má þá kannski auðkenna, t.d. með gulri stjörnu?!“

Hafa sett upp gular stjörnur sjálfviljug

Vísar hann þar til hópsins Querdenker sem stendur fyrir mótmælum víða um Þýskaland gegn bólusetningum, grímunotkun og sóttvarnaraðgerðum. Orðið Querdenker merkir aðila með hugsunarhátt sem er þvert á ríkjandi sjónarmið. Hluti hópsins trúir ekki á tilvist Covid-19, en inn í mótmælin hafa einnig blandast hópar hægriöfgamanna og þeirra sem styðja samsæriskenningar eins og QAnon.

„Óþægilegt fólk (þ. querdenkers) má þá kannski auðkenna, t.d. með gulri stjörnu?!“
„Óbólusett“Fólk úr röðum Querdenker hópsins hefur sjálfviljugt sett á sig stjörnur eins og gyðingar voru þvingaðir til að bera á tíma nasistanna.

Sumir meðlimir Querdenker hafa sjálfviljugir gengið með gula stjörnu á erminni með orðinu „ungeimpft“ sem á íslensku merkir „óbólusett“. Í Þýskalandi nasismans voru gyðingar látnir bera borða með gulri Davíðsstjörnu til að einkenna sig. Við tók Helförin þar sem nasistar frömdu þjóðarmorð á gyðingum sem kostaði um 6 milljón þeirra lífið.

Arnar Þór er í fimmta sæti á framboðslista Sjálfstæðisflokksins í Suðvesturkjördæmi eftir þátttöku í prófkjöri flokksins fyrr á árinu. Nokkur umræða hefur skapast um innreið hans í stjórnmálin þar sem hann er enn starfandi héraðsdómari og hefur sagst ekki ætla að víkja frá þeim störfum nema hann nái kjöri sem þingmaður í Alþingiskosningum í haust. Samkvæmd siðareglum dómara samræmist ekki hlutverki dómara að taka virkan þátt í stjórnmálastarfi. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Covid-19

Mest lesið

Júlía Margrét Alexandersdóttir
5
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár