„Ég skil bara ekki hvern andskotann þessi lögreglustjóri þarf að rannsaka og af hverju þessu er ekki bara vísað frá. Ég óttast það að mörgu leyti, í svona eftirlitsstofnun eins og Seðlabankinn er, að við lendum í því að við verðum hundelt persónulega eins og farið var á eftir þessu starfsfólki,“ segir Ásgeir Jónsson seðlabankastjóri í viðtali við Stundina sem birt er í blaðinu í dag.
Ásgeir vísar til þess að útgerðarfélagið Samherji kærði fimm af starfsmönnum Seðlabanka Íslands til lögreglunnar vorið 2019. Samherji lagði kæruna fram vegna rannsóknar bankans á Seðlabankamáli Samherja sem hófst með húsleitum hjá félaginu árið 2012, vegna meintra brota á lögum um gjaldeyrismál.
Í viðtalinu ræðir Ásgeir um fyrsta eitt og hálfa ár sitt í embætti bankastjóra Seðlabanka Íslands, störf sín í Kaupþingi og mótlætið vegna starfa sinna þar eftir hrun, …
Kjósa
Hvernig finnst þér þessi grein? Skráðu þig inn til að kjósa.
Sjá meira
„Íslandi er að miklu leyti stjórnað af hagsmunahópum“
Ásgeir Jónsson seðlabankastjóri segir að það sé hlutverk Seðlabanka Íslands að hugsa um almannahagsmuni í landi þar sem sérhagsmunahópar hafa mikil völd. Hann segir að það megi aldrei gerast aftur að ,,mógúlar“ taki yfir stjórn fjármálakerfisins og landsins líkt og gerðist fyrir hrunið. Í viðtali við Stundina ræðir hann störf sín í Kaupþingi, atlögur Samherja að starfsmönnum bankans, Covid-kreppuna, sameiningu FME og Seðlabankans og hlutverk bankans í því að auka velferð á Íslandi.
Tengdar greinar
Samherjamálið
Hluthafar Samherja taka út milljarð í arð eftir uppskiptingu félagsins
Verulegar breytingar voru gerðar á uppbyggingu útgerðarrisans Samherja í fyrra þegar fjárfestingarstarfsemin var aðskilin frá útgerðarrekstri með stofnun eignarhaldsfélagsins Látrafjalla ehf. Líklegt er að eigendur Samherja ætli sér einnig að færa útgerðarfélagið inn í eignarhaldsfélagið Látrafjöll en skattalegar ástæður geta legið þar að baki.
Almenningshlutafélag í stórri eigu Samherja kaupir í sölufyrirtæki Samherja
Þorsteinn Már Baldvinsson, forstjóri Samherja og stjórnarformaður Síldarvinnslunnar, vék sæti þegar almenningshlutafélagið ákvað að kaupa hlutabréf í sölufyrirtæki Samherja af útgerðinni. Síldarvinnslan ákvað einnig að kaupa hlutabréf af fyrirtæki í eigu Þorsteins Más og Kristjáns Vilhelmssonar fyrir rúmlega 2 milljarða króna.
„Þetta eru glæpamenn og hegða sér eftir því“
Jóhannes Stefánsson, uppljóstrari í Samherjamálinu, er sáttur við gang rannsóknarinnar hér á landi og segir að fátt geti komið í veg fyrir að málið endi með dómi. Hann gagnrýnir þó aðgerðarleysi yfirvalda við því þegar Samherjamenn hafa áreitt, njósnað um eða reynt að hræða hann frá því að bera vitni. Fátt í viðbrögðum Samherjafólks hafi þó komið honum á óvart, enda fái þau að ganga mun lengra en öðrum liðist.
Skattrannsókn á Samherja snýst um hundruð milljóna króna
Skattrannsókn, sem hófst í kjölfar uppljóstrana um starfshætti Samherja í Namibíu, hefur staðið frá árslokum 2019. Samkvæmt heimildum Stundarinnar telja skattayfirvöld að fyrirtækið hafi komið sér undan því að greiða skatta í stórum stíl; svo nemur hundruðum milljóna króna. Skúffufélag á Máritíus sem stofnað var fyrir milligöngu íslensks lögmanns og félag á Marshall-eyjum, sem forstjóri Samherja þvertók fyrir að tilheyrði Samherja, eru í skotlínu skattsins.
Færeyskur ráðherra krafinn svara um Samherjarannsókn
Högni Hoydal, formaður Þjóðveldisflokksins færeyska, hefur í færeyska þinginu óskað eftir svörum við því hvað líði rannsókn lögreglu á meintum skattalagabrotum Samherja í Færeyjum. Samherji endurgreiddi 340 milljónir króna til færeyska Skattsins, sem vísaði málinu til lögreglu. Síðan hefur lítið af því frést.
Félag Samherja sem átti útgerðina í Namibíu seldi kvóta sinn á Íslandi
Eignarhaldsfélagið sem Samherji notaði til að halda utan um rekstur sinn í Namibíu seldi fiskveiðikvóta sinn á Íslandi til íslensks dótturfélags Samherja árið 2020. Þetta fyrirtæki, Sæból fjárfestingarfélag, var í 28. sæti yfir stærstu kvótaeigendur á Íslandi um vorið 2019. Í ársreikningi félagsins kemur fram hvernig reynt hefur verið að skera á tengsl þess við Ísland í kjölfar Namibíumálsins.
Athugasemdir