Samherjamálið snýst meðal annars um 9 milljarða viðskipti pólsks fyrirtækis

„Ég hafna öllum ásök­unum um lög­brot,“ segir Þor­steinn Már Bald­vins­son, for­stjóri og einn stærsti hlut­hafi Samherja, aðspurður um  nýj­ustu tíð­indin í Sam­herj­a­mál­inu: Þeirri stað­hæf­ingu Seðla­banka Íslands á sunnu­dag­inn að sér­stakur sak­sókn­ari hafi ekki úti­lokað að útgerð­ar­fyr­ir­tækið hafi framið lög­brot í gjald­eyr­is­við­skiptum sínum þrátt fyrir að emb­ættið hafi fellt niður mál gegn fyr­ir­tæk­inu nú í byrjun mán­að­ar­ins. Þor­steinn Már segir að rann­sókn­ar­efnið sé meðal ann­ars níu millj­arða við­skipti pólsks dótt­ur­fé­lags Samherja en um er að ræða allar tekjur þess á nokkura tíma­bili. 

Þor­steinn segir hins vegar að hugs­an­lega hafi fyr­ir­tækið gert mis­tök í gjald­eyr­is­við­skiptum sínum: „Brot er eitt­hvað að mínu mati sem maður fremur með vilja. Ég hef hins vegar alltaf sagt að það geti vel verið að við höfum gert mis­tök ein­hvers staðar. Hins vegar veit ég ekki hver þau eru þannig að ég hef alltaf viljað fá að sjá hvað það er sem við eigum að hafa gert rangt. Við unnum undir gríð­ar­lega breyttu reglu­verki og undir gríð­ar­legri pressu á árunum 2008, 2009 og 2010 við að reka fyr­ir­tækið. Ég hef ekki fundið þessi brot og sér­stakur sak­sókn­ari stað­festir þetta. En Seðla­bank­inn, það virð­ist bara ekk­ert geta stoppað Seðla­bank­ann. Miðað við það sem bank­inn hefur gefið frá sér núna þá skal bara áfram haldið,“ segir Þor­steinn Már.