Tónleikar klukkan 13: From Russia with Love

Stundin sendir út menn­ing­ar­við­burði í sam­starfi við Menn­ing­ar­húsin í Kópavogi meðan á sam­komu­banni stendur.

Í Kúltúr klukkan 13 í dag munu þau Ágúst Ólafsson baritón, Lilja Guð­munds­dóttir sópran og Eva Þyri Hilm­ars­dóttir píanó­leik­ari flytja sönglög eftir Tchaikovsky, Rachmaninov og Borodin. Tón­leik­arnir eru partur af þeirri dag­skrá sem þrí­eykið ætl­aði að flytja á Tíbrár­tón­leikum 21. apríl. 

Útsend­ingin hefst klukkan 13. Streymi af við­burð­inum verður birt í þess­ari frétt, á for­síðu Stund­ar­innar og á Facebook-síðum Stund­ar­innar og Menn­ing­ar­hús­anna í Kópavogi. Þá verður upp­taka til­tæk á sömu stöðum í kjöl­farið.

Eft­ir­far­andi er til­kynn­ing frá menn­ing­ar­hús­unum í Kópavogi um við­burð­inn:

Kúltúr klukkan 13 | From Russia with Love

Þau Ágúst Ólafsson baritón, Lilja Guð­munds­dóttir sópran og Eva Þyri Hilm­ars­dóttir píanó­leik­ari flytja sönglög eftir Tchaikovsky, Rachmaninov og Borodin. Dag­skráin er full af drama­tík og til­finn­ingum enda eru lag­línur rúss­nesku tón­skáld­anna þriggja stór­brotnar. Tón­leik­arnir eru partur af þeirri dag­skrá sem þrí­eykið ætl­aði að flytja á Tíbrár­tón­leikum 21. apríl. 

Ágúst Ólafsson hefur frá því hann snéri heim úr námi í Finn­landi sungið sig inn í hjörtu lands­manna en hann hefur sér­hæft sig í ljóða­söng en einnig komið fram í stórum hlut­verkum hjá Íslensku Óperunni. 

Lilja Guð­munds­dóttir stund­aði fram­halds­nám í Vín­ar­borg en hefur frá námslokum verið virk á tón­leika­sviði m.a. með Sin­fón­íu­hljóm­sveit Íslands og tekur þátt í upp­færslu á Valkyrju Wagners á Lista­há­tíð í Reykja­vík 2020. 

Eva Þyri Hilm­ars­dóttir er einn helsti með­leik­ari íslenskra söngv­ara. Hún tók þátt í flutn­ingi á verk­inu Manns­röddin eftir Poulenc hjá Íslensku Óperunni og hefur verið virk í kamm­er­tón­list frá því hún lauk ein­leik­ar­prófi frá tón­list­ar­há­skól­anum í Aarhus í Danmörku og fram­halds­gráður frá Royal Academie of Music.