Stundin mun á næstu vikum senda út menn­ing­ar­við­burði í sam­starfi við Menn­ing­ar­húsin í Kópavogi. Við­burð­irnir verða haldnir klukkan 13 á mánu­dögum, mið­viku­dögum og föstu­dögum á meðan sam­komu­banni stendur vegna COVID-19 heims­far­ald­urs­ins. Hægt verður að sjá við­burð­ina á for­síðu Stund­ar­innar, á Facebook-síðu Stund­ar­innar og Facebook-síðu Menn­ing­ar­hús­anna í Kópavogi.

Meðal þeirra sem koma fram í við­burða­röð­inni eru Sævar Helgi Bragason stjörnu­fræð­ingur, Gerður Kristný skáld,  Jógvan, Matti Matt, Vignir Snær, Ragna Fróða­dóttir, Andri Snær Magnason rit­höf­undur, Sig­ur­björn Bern­harðs­son, Halla Oddný, Þor­grímur Þrá­ins­son, Elín Björk Jón­as­dóttir, Einar Falur, Kordo kvar­tett­inn og Hrönn Egils­dóttir.

Í þess­ari útsend­ingu spjallar Halla Oddný Magn­ús­dóttir fjöl­miðla­kona við Gerði Kristnýju skáld á Bóka­safni Kópavogs. Út­send­ing­in hefst klukk­an 13. Streymi af við­burð­inum verður birt í þess­ari frétt og á fyrr­greindum Facebook-síðum ásamt for­síðu Stund­ar­innar. Þá verður upp­taka til­tæk á sömu stöðum í kjöl­farið.

Eft­ir­far­andi er til­kynn­ing frá menn­ing­ar­hús­unum í Kópavogi um við­burð­inn:

Halla Oddný fjöl­miðla­kona spjallar við Gerði Kristnýju skáld á Bóka­safni Kópavogs mánu­dag­inn 30. Mars í vef-við­burð­ar­liðnum Kúltúr klukkan 13. 

Gerður Kristný segir frá einum fremsta rit­höf­undi Norð­ur­land­anna Per Olov Enquist og verkum hans, aðal­lega Bóka­safni Nemós skip­stjóra sem kom út á Íslandi árið 1993. Einnig verður sagt frá því þegar Enquist reyndi að ráða bug á áfeng­is­púk­anum í með­ferð hér á landi en lagði þaðan á flótta á sokka­leist­unum.

Gerður Kristný er afkasta­mik­ill rit­höf­undur og ljóð­skáld en hún hefur bæði skrifað fyrir börn sem og full­orðna. Hún hefur auk þess unnið við fjöl­miðlun og tekur virkan þátt  í þjóð­fé­lags­um­ræð­unni þar sem hún sér jafnan spaugi­legar hliðar á mál­efnum sem eru efst á baugi.