Rauður dagur í kauphöllinni – Icelandair féll um tæp níu prósent

Virði allra félaga sem skráð eru á aðal­markað íslensku kaup­hall­ar­innar féll í dag. Alls lækk­aði úrvals­vísi­talan um 3,67 pró­sent. Það er mesta lækkun sem verið hefur innan eins dags frá 9. júlí 2018, þegar úrvals­vísi­talan lækkað um 3,72 pró­sent.

Mest lækk­uðu bréf í Icelandair Group, eða um 8,74 pró­sent. Það þýðir að alls skófust um fjórir millj­arðar króna af mark­aðsvirði félags­ins í dag og stóð það í um 42 millj­örðum króna í lok dags.

Alls lækk­aði gengi í níu félögum á milli 3-4 pró­sent í við­skiptum dags­ins. Þar á meðal lækk­aði gengi Marel, lang­verð­mætasta félags­ins sem skráð er í kaup­höll­ina, úr 470 millj­örðum króna í 453 millj­arða króna. Það hurfu því um 17 millj­arðar króna af virði félags­ins í við­skiptum dags­ins.

[adspot]Arion banki, næst verð­mætasta skráða félags lands­ins, um 5,8 millj­arða króna og var í lok dags 152,2 millj­arðar króna. Langmest við­skipti voru með bréf í þessum tveimur félögum, en þau námu yfir millj­arði króna hjá hvoru um sig. Alls voru heild­ar­við­skipti um 4,5 millj­arðar króna.

Ástæðan fyrir hinum miklu lækk­unum er rakin til þró­unar á mörk­uðum erlendis, þar sem útbreiðsla á kór­óna­veirunni svoköll­uðu hefur valdið skörpum lækk­uðum víða um heim.