Sjávarútvegsrisinn er þekktastur fyrir umfang sitt í þeim geira, enda stærsta sjávarútvegsfyrirtæki landsins. Samherja-samstæðan á alls 7,1 prósent af úthlutuðum kvóta hérlendis beint. Síldarvinnslan heldur svo á 5,3 prósent allra aflaheimilda, en hún er í 44,6 prósent eigu Samherja auk þess sem Kaldbakur, félag í eigu Samherja, á 15 prósent hlut í öðru félagi sem á 5,3 prósent hlut í Síldarvinnslunni.
[links]Bergur-Huginn er síðan með 2,3 prósent kvótans en það er að öllu leyti í eigu Síldarvinnslunnar. Þá er ótalið Útgerðarfélag Akureyringa, sem heldur á 1,3 prósent kvótans, og er að öllu leyti í eigu Samherja. Samanlagt er aflahlutdeild þessara félaga 16 prósent. Auk þess á Samherji vitanlega umfangsmikla sjávarútvegsstarfsemi í Evrópu og Afríku.
Samherja-samstæðan ,sem samanstendur af tveimur félögum, átti eigið fé upp á 110,7 milljarða króna í lok síðasta árs. Hagnaður Samherja vegna ársins 2018 nam samtals um 11,9 milljörðum króna. Hagnaður Samherjasamstæðunnar hefur þar með numið yfir 112 milljörðum króna á átta árum, frá árinu 2011 og fram til loka síðasta árs. Hagnaðurinn dróst lítillega saman milli áranna 2017 og 2018, en hann var 14,4 milljarðar króna á fyrra árinu.
Í Kveiksþætti sem sýndur var á RÚV í kvöld kom fram að vísbendingar séu um að greiðslur upp á að minnsta kosti 1,4 milljarða króna frá Samherja til hóps sem inniheldur meðal annars tvo ráðherra í Namibíu, séu mútugreiðslur og að viðskipti fyrirtækisins í Afríkulandinu séu skýr dæmi um spillingu.
[adspot]Með framferði sínu í viðskiptum í Namibíu er Samherji grunaður um að hafa komist yfir kvóta með áðurnefndum mútugreiðslum og að hafa komið ávinningi af veiðum undan svo að fullir skattar þyrfti ekki að greiðast til nærsamfélagsins í Namibíu.
Eiga í óskyldum greinum
Samherji hf. keypti stóran hlut í Olís fyrir nokkrum árum. Það félag rann síðan saman við smásölurisann Haga og í kjölfarið eignaðist Samherji alls 9,26 prósent hlut í Högum. Í síðustu viku var greint frá því að Samherji hefði selt helming hlutabréfa sinna í Högum og að eftir viðskiptin standi eignarhlutur samstæðunnar í 4,22 prósentum.
Samherji Holding er líka stærsti einstaki eigandi hlutabréfa í Eimskip, með 27,1 prósent eignarhlut. Baldvin Þorsteinsson, framkvæmdastjóri viðskiptaþróunar hjá samstæðunni, er stjórnarformaður Eimskips og í janúar í ár var Vilhelm Már Þorsteinsson, frændi hans, ráðinn sem forstjóri skipafélagsins.
Helstu eigendur og stjórnendur Samherja eru frændurnir, forstjórinn Þorsteinn Már Baldvinsson og útgerðarstjórinn Kristján Vilhelmsson. Þeir eiga samtals 65,4 prósent í samstæðunni. Helga S. Guðmundsdóttir, fyrrverandi eiginkona Þorsteins Más, á 21,3 prósent. Til viðbótar á félagið Bliki ehf. 11,7 prósent hlut í Samherjasamstæðunni. FramInvest Sp/f er skráð fyrir 27,5 prósenta hlut í Blika. Það félag er skráð í Færeyjum. Þorsteinn Már er helsti skráði stjórnandi þess félags.
Auk þess er SVN eignafélag, félag í eigu Síldarvinnslunnar, lang stærsti einkafjárfestirinn í Sjóvá með 13,97 prósent hlut. Samherji á 44,6 prósent í eigu Samherja auk þess sem Kaldbakur, félag í eigu Samherja, á 15 prósent hlut í öðru félagi sem á 5,3 prósent hlut í Síldarvinnslunni. Þorsteinn Már er stjórnarformaður Síldarvinnslunnar.
Þá er Samherji líka stór eigandi í Jarðborunum í gegnum Kaldbak ehf.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
mútur
Kristján Vilhelmsson kvartaði yfir skrifum Jóns Steinssonar við Columbia
Bankareikningar mútuþega í Samherjamálinu í Namibíu frystir
Þórður Snær Júlíusson
Uppskrift að því að drepa umræðuna með börnum
Þórólfur Matthíasson
Mútur sem hefðbundnir viðskiptahættir
Björgólfur reiknar ekki með að sitja sem forstjóri Samherja lengi
Athugasemdir