Eldum rétt segist dregið í dómsmál fjögurra erlendra starfsmanna að ósekju

Eldum rétt segir félagið dregið inn í dóms­mál fjög­urra erlendra starfs­manna Manna í vinnu að ósekju. Málið sem vísað er til er stefna á hendur fyr­ir­tæk­is­ins Eldum rétt og Mönnum í vinnu. Þeim er stefnt til greiðslu bóta vegna nauð­ung­ar­vinnu, að því er kemur fram í til­kynn­ingu á vegum Efl­ing­ar.

Sam­kvæmt til­kynn­ing­unni keypti Eldum rétt vinnu­afl hjá starfs­manna­leig­unni Menn í vinnu í jan­úar og hafi þar með borið ábyrgð á að kjör verka­mann­anna og aðstæður væru sóma­sam­leg­ar. Lög­sókn gegn fyr­ir­tæk­inu og fram­kvæmda­stjóra þess hefur nú verið þing­fest í Hér­aðs­dómi Reykja­vík­ur.

[adspot]Í til­kynn­ingu frá Eldum rétt segir að ákveðið hafi verið að nýta þjón­ustu Menn í vinnu ehf. til að létta álagi á fasta starfs­menn Eldum rétt og jafna út álags­punkta, en ekki til að fara illa með fólk. „For­svars­menn Eldum rétt ehf. taka fulla ábyrgð á því að hafa nýtt sér þjón­ustu Menn í vinnu ehf. en harma ef starfs­menn­irnir fjórir voru beittir órétti af hálfu starfs­manna­leig­unnar,“ segir jafn­framt í til­kynn­ing­unni.

Krist­ó­fer Júlíus Leifsson, fram­kvæmda­stjóri Eldum rétt, segir enn fremur geta full­yrt að fyr­ir­tækið tæki aldrei þátt í að koma illa fram við fólk „og myndum heldur aldrei líta undan í aðstæðum þar sem slíkt væri látið við­gang­ast. Við höfðum hrein­lega ekki vit­neskju um að slíkar aðstæður væru uppi og teljum rétt að þetta mál fari sína leið fyrir dóm­stólum.“

[links]Formaður Eflingar, Sólveig Anna Jóns­dóttir, segir Eldum rétt ekki geta firrt sig ábyrgð og gagn­rýndi starfs­manna­leigur harð­lega. Í stöðu­færslu á Facebook segir hún aug­ljósa áhættu að flytja inn vinnu­afl í gegnum starfs­manna­leigu þar sem slík fyr­ir­tæki geti verið „skálka­skjól und­ir­borg­ana, mis­neyt­ingar og jafn­vel mansals. Af þeim sökum var leidd í lög „keðju­á­byrgð“, svo fyr­ir­tæki gætu ekki firrt sig ábyrgð á aðbún­aði starfs­fólks síns með því að hafa það form­lega í vinnu hjá öðr­um.“ Þar af leið­andi telur Sól­veig Eldum rétt bera ábyrgð á að starfs­menn­irnir hefðu það ekki verr en annað starfs­fólk.