Kerfið er tilbúið til að takast á við áfallið

Sigurður Ingi Jóhanns­son, sam­göngu- og sveit­ar­fé­lags­ráð­herra, sagði að kerfið hafi verið búið að vera á við­bragðs­stígi gagn­vart gjald­þroti WOW air í tölu­vert langan tíma og því til­búið undir það.

Mikil vinna hefði farið í að greina hin efna­hags­legu áhrif, áhrifin á rík­is­sjóð Íslands, sveit­ar­fé­lög og almennt á fólk. Á rík­is­stjórn­ar­fundi í vik­unni hafi verið farið yfir minn­is­blöð ýmissa ráð­herra þar sem til­greind voru við­brögð þeirra.

Þetta er meðal þess sem kom fram í við­tali Þórðar Snæs Júl­í­us­sonar, rit­stjóra Kjarnans, við Sigurð Inga í sjón­varps­þætt­inum 21 á Hring­braut í vik­unni. Þar ræddu þeir meðal ann­ars kjara­samn­inga, fall WOW air, við­bragðs­á­ætlun stjórn­valda og þær miklu sam­göngu­fram­kvæmdir sem fyr­ir­hug­aðar eru á næstu árum.

Hægt er að sjá stiklu úr þætt­inum hér að neðan.

Aðspurður um hvort að áhrifin á vinnu­markað hafi verið greind sagði Sigurður Ingi að það hafi verið gert að því marki sem var hægt. Sá mikli vöxtur sem verið hefur á Íslandi hefur kallað á mik­inn fjölda inn­flytj­enda þar sem ekki hefur verið nægt vinnu­afl á Íslandi til að standa undir eft­ir­spurn.

Í byrjun mars 2019 voru erlendir rík­is­borg­arar á Íslandi orðnir 45.130 tals­ins og hafði fjölgað um 113 pró­sent frá byrjun árs 2011. Frá byrjun árs 2017 hefur þeim fjölgað um 49 pró­sent.

[adspot]Sigurður Ingi sagði að ein­hver hluti af þessum hópi sé fólk sem komi hingað inn vegna þess að það var upp­grip í vinnu tíma­bundið. Nákvæm­lega hvað ger­ist með þann hóp sé ekki vitað enn sem komið er. „Hvort hann fer fljót­lega úr landi til að finna aðrar sam­bæri­legar stöður þar sem upp­gangur er eða ekki. En við erum hins vegar með nokkuð öfl­ugt rétt­inda­kerfi. Þar sem menn hafa áunnið sér rétt­indi bæði til atvinnu­leys­is­bóta og ábyrgð­ar­sjóðs launa sem við vorum líka búin að styrkja í milli­tím­anum.“