Gunnar Bragi: Fór í algjört minnisleysi og týndi fötunum mínum

„Það sem situr einna verst í mér eftir þetta kvöld er í fyrsta lagi það að muna ekki neitt frá því að ég kem inn á bar­inn og einum og hálfum sól­ar­hring eftir. Það er algjört „blackout“. Algjört minnis­leysi. Ég hvorki veit hvað ég gerði, ég þurfti að hlusta á upp­tök­urnar, ég týndi föt­unum mínum þessa nótt. Það er algjört „blackout“. Það hefur ekki komið fyrir mig áður. Þannig að ég velti því fyrir mér hvað í fjand­anum gengur á þarna.“

Þetta segir Gunnar Bragi Sveins­son, þing­maður og vara­for­maður Mið­flokks­ins, í við­tali við Lindu Blöndal í sjón­varps­þætt­inum 21 á Hring­braut sem verður frum­sýndur klukkan 21 um kvöldið alræmda sem hann eyddi á Klaust­ur­bar í nóv­em­ber. Hann seg­ist hafa týnt frakk­anum sínum og lyklunum þetta kvöld.

Ásamt Gunnari Braga er Bergþór Ólason, þing­maður Mið­flokks­ins, gestur þátt­ar­ins þar sem þeir ræða Klaust­urs­málið og end­ur­koma sína á þing í dag. Hægt er að sjá stiklu úr þætti kvölds­ins hér að neðan.

Gunnar Bragi segir að reiðin í rödd­inni á þeim manni sem hafi talað á upp­tök­unum af Klaust­ur­bar sé honum áhyggju­efni.

Þess vegna hafi hann verið að leita sér aðstoðar og þess vegna hafi hann ekki smakkað áfengi frá 20. nóv­em­ber. „Vegna þess að ég vil kom­ast að því hvað þarna gerð­ist áður en ein­hver önnur skref eru tekin.“

[adspot]Bergþór seg­ist hafa átt við­töl við áfeng­is­ráð­gjafa og nið­ur­staða þess var að hann setti sig í ótíma­bundið áfeng­is­leyfi þótt nið­ur­staða þeirra sam­tala hafi verið að hann sé ekki alkohólisti. „Ég taldi það bara ekki rétt­læt­an­legt, og við erum búin að ræða það mikið inni á þingi und­an­farna mán­uði, að á meðan að 600 manns eru á biðlista hjá SÁÁ þá ætla ég ekki að fara í með­ferð til að haka við ein­hver box.“

Í þætt­inum ræða þeir einnig ítar­lega um af hverju þeir ákváðu að snúa aftur á þing, hvort þeir hafi ein­hvern tím­ann hug­leitt af alvöru að stíga end­an­lega til hliðar og við­brögð þeirra sem urðu fyrir orðum þeirra á Klaust­ur­bar þann 20. nóv­em­ber sem nú þurfa að vinna með þeim á Alþingi.