Íris mun leiða nýtt framboð í Vestmannaeyjum

Íris Róberts­dóttir, fyrr­ver­andi vara­þing­maður Sjálf­stæð­is­flokks­ins, hefur ákveðið að leiða nýjan fram­boðs­lista í Vest­manna­eyjum í kom­andi sveit­ar­stjórn­ar­kosn­ingum. Tilkynnt var um það fyrir helgi að stofnað hefði verið bæj­ar­mála­fé­lag og sam­hliða var skorað á Írisi að leiða það fram­boð.

Í stöðu­upp­færslu á Facebook segir Íris að hún hafi ákveðið að verða við þeirri áskorun að gefa kosta á sér til að leiða nýja list­ann. „Ég er stolt og þakk­lát fyrir það traust sem mér er sýnt með þess­ari áskorun. Þessa ákvörðun hef ég til­kynnt for­svars­mönnum hins nýja bæj­ar­mála­fé­lags - Fyrir Heimaey.“

Ákvörðun Írisar vekur athygli þar sem hún er flokks­bundin Sjálf­stæð­is­kona og hefur setið í mið­stjórn flokks­ins, en mikil ólga hefur verið á milli hópa innan flokks­ins í Vest­manna­eyjum. Samkvæmt frétt Morg­un­blaðs­ins um málið í febr­úar eru til­drög þeirra deilna þær að óánægja var um að ekki skyldi haldið próf­kjör heldur raðað á lista Sjálf­stæð­is­flokks­ins í Vest­manna­eyjum. Tillaga um próf­kjör var felld í full­trúa­ráði flokks­ins með 28 atkvæðum gegn 26 í jan­úar. Í frétt Morg­un­blaðs­ins kom fram að for­ysta Sjálf­stæð­is­flokks­ins hefði verið upp­lýst um deil­urnar.

Elliði tekur kröfu um valddreifinu alvarlega

Í síð­ustu viku var til­kynnt að Elliði Vign­is­son, bæj­ar­stjóri og odd­viti Sjálf­stæð­is­manna síð­ast­lið­inn 12 ár, verði í fimmta sæti á lista flokks­ins í kom­andi sveit­ar­stjórn­ar­kosn­ingum, og mun þar af leið­andi ekki leiða list­ann.

[adspot]Í til­kynn­ingu sagð­ist hann taka alvar­lega þá umræðu sem hefur verið á meðal Sjálf­stæð­is­manna í Vest­manna­eyjum að und­an­förnu, um þörf­ina á vald­dreif­ingu. „Eftir að hafa leitt list­ann úr fyrsta sæti í 12 ár tek ég alvar­lega umræðu um þörf­ina á vald­dreif­ing­u. Ég get að mörgu leyti tekið undir þá skoðun að það fylgir því lýð­ræð­is­halli að vera í senn í örugg­asta sæt­inu, vera bæj­ar­stjóra­efni, odd­viti og sá sem er með lang­mestu reynsl­una. Þessu vil ég mæta með því að færa mig niður í fram­boðs­sæti sem að við lítum á sem sæti vara­bæj­ar­full­trú­a. Ég vil líka líta á það sem skref til að skapa aukna sátt að víkja sætis fyrir ungt og nýtt fólk sem ann­ars hefði ef til vill orðið að víkja af vett­vangi bæj­ar­mál­anna. Ég kvíði því ekki að leiða list­ann sem vara­bæj­ar­full­trúi enda ríkir mik­ill ein­hugur hjá því góða fólki sem skipar fram­boðlist­ann. Saman ætlum við leiða Sjálf­stæð­is­flokk­inn til sig­urs og gera góðan bæ enn betri á kom­andi kjör­tíma­bil­i.“

Hildur Sól­veig Sig­urð­ar­dóttir mun skipaa fyrsta sæti list­ans, en þetta er í fyrsta skipti í 20 ár sem kona skipar fyrsta sæti á lista Sjálf­stæð­is­manna í Eyj­um.