Dómnefnd vill að Arnaldur verði héraðsdómari

Dómnefnd um hæfni umsækj­enda um emb­ætti dóm­ara hefur skilað umsögn sinni um umsækj­endur um eitt emb­ætti dóm­ara við Hér­aðs­dóm Reykja­víkur. Arnaldur Hjart­ar­son er sá sem nefndin metur hæf­astan til að vera skip­aður dóm­ari við dóm­stól­inn. Arnaldur er nú aðstoð­ar­maður dóm­ara við EFTA-dóm­stól­inn.

Embættið var aug­lýst laust til umsóknar þann 17. nóv­em­ber síð­ast­lið­inn, en alls sóttu 30 um stöð­una en sex umsækj­endur, sem skip­aðir höfðu verið í emb­ætti hér­aðs­dóm­ara frá 9. jan­úar síð­ast­liðnum, drógu umsóknir sínar til baka.

Dóm­nefnd­ina skip­uðu Jakob R. Möller, Kristín Bene­dikts­dóttir, Guðrún Björk Bjarna­dóttir, Ragn­heiður Harð­ar­dóttir og Ragn­hildur Helga­dóttir.

Hér má lesa umsögn dóm­nefnd­ar­innar.

[adspot]Umsögn­inni hefur verið skilað til Sigríðar Á. Andersen dóms­mála­ráð­herra sem hefur nú tvær vikur til að annað hvort fara eftir til­lögu dóm­nefnd­ar­innar og skipa Arnald eða leggja fyrir Alþingi aðra til­lögu.

[links]Það gerði hún þegar dóm­nefndin skil­aði henni til­lögur að 15 nýjum dóm­urum við Lands­rétt, en fjórir þeirra sem skip­aðir voru dóm­arar við rétt­inn voru ekki metnir hæf­astir af nefnd­inni. Þeir fjórir sem ekki voru skip­aðir hafa allir annað hvort fengið eða sóst eftir bótum frá rík­inu vegna þessa.