Tveir listar til framboðs til formanns stjórnar í Eflingu voru samþykktir á fundi kjörstjórnar sem haldinn var í morgun. Magnús Norðdahl, yfirmaður kjörstjórnar, staðfestir þetta í samtali vð Kjarnann. Sólveig Anna Jónsdóttir og Ingvar Vigur Halldórsson gefa kost á sér til formanns stjórnar stéttarfélagsins Eflingar.
Stjórnarkjör mun fara fram í byrjun mars næstkomandi, samkvæmt ákvörðun kjörstjórnar.
Fráfarandi formaður Sigurður Bessason bauð sig ekki fram til endurkjörs eftir að hafa gengt formennsku í um tvo áratugi.
Kjörstjórn Eflingar hélt sinn fyrsta fund í fyrradag vegna komandi stjórnarkjörs í félaginu. Fundinn sátu einnig umboðsmenn þeirra tveggja lista sem fram hafa verið lagðir. Á fundinum var ákveðið að setja þegar í stað gang vinnu til að ganga úr skugga um lögmæti listanna. Listarnir voru samþykktir í dag eins og fyrr segir.
Sólveig Anna Jónsdóttir, starfsmaður á leikskólanum Nóaborg í Reykjavík, gefur kost á sér til formanns en hún tilkynnti framboðið þann 29. janúar síðastliðinn.
Ingvar Vigur Halldórsson gefur einnig kost á sér sem nýr formaður og stendur á vefsíðu Eflingar að hann sé sá frambjóðandi sem er með einróma stuðning uppstillingarnefndar, stjórnar og trúnaðarráðs félagsins.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
stéttarfélög
Ábendingar um kynbundna áreitni af hendi formanns BHM borist bandalaginu
Forseti ASÍ: Hægt að gera umbætur án þess að ráðast í hreinsanir
Formaður VR: „Allar uppsagnir eru náttúrulega bara ömurlegar“
Finnur Torfi Stefánsson
Hamast gegn lýðræðinu
Segir að staðið hafi verið rétt og faglega að ferlinu
Athugasemdir