Eygló Harðardóttir, starfandi félags- og húsnæðismálaráðherra, hefur sett reglugerð sem kveður á um að atvinnuleitendur fái desemberuppbót, líkt og gert hefur verið undanfarin ár. Reglugerðin kveður einnig á um það nýmæli að atvinnuleitendur með börn á framfæri sínu fái rúmlega 2.400 krónur til viðbótar fyrir hvert barn í sérstaka uppbót.
Þetta kemur fram í fréttatilkynningu frá velferðarráðuneytinu. Atvinnuleitendur sem eru tryggðir innan atvinnuleysistryggingakerfisins fá desemberuppbótina, en þeir sem hafa verið án vinnu í tíu mánuði eða lengur á árinu og staðfesta atvinnuleit á tímabilinu 20. nóvember til 3. desember munu eiga rétt á fullri desemberuppbót. Aðrir fá uppbót í hlutfalli við rétt til bóta á árinu og fjölda mánaða sem bætur hafa verið greiddar.
Uppbótin vegna barna tekur engum skerðingum, heldur verður í öllum tilvikum fjögur prósent af óskertri desemberuppbót, sem gera rúmlega 2.400 krónur fyrir hvert barn.
Samkvæmt upplýsingum frá velferðarráðuneytinu er gert ráð fyrir því að kostnaðurinn vegna þessara breytinga er á bilinu 8 til 8,7 milljónir, sem þýðir að breytingarnar muni ná til foreldra yfir þrjú þúsund barna hið minnsta.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
atvinnuleysi
Dregur úr atvinnuleysi á landinu öllu
„Þetta er bara mjög ómerkileg framganga“
Ráðningastyrkir kosta ríkissjóð 15 milljarða á árunum 2021 og 2022
Atvinnuleysi óvænt óbreytt milli mánaða en langtímaatvinnuleysi enn mikið
18 þúsund störf töpuðust í faraldrinum en 16.700 ný hafa orðið til
Athugasemdir