Um eitt þúsund ný sumarhús eru byggð hér á landi á hverjum þremur árum. Fjöldi sumarhúsa aukist um 70 prósent á síðustu 20 árum. Árið 1997 voru skráð rúmlega 7.500 sumarhús á landinu en í árslok 2014 voru þau orðin rúmlega 12.700. Samkvæmt tölum Fasteignaskrár Þjóðskrár Íslands eru langflest sumarhús á Suðurlandi og hefur fjöldinn þar nær tvöfaldast á síðustu tveimur áratugum.
Árið 1997 voru tæplega 4.000 hús á Suðurlandi, sem var meira en helmingur fjöldans á landinu öllu. Hlutfallið hefur haldist svipað í gegn um árin, en í lok árs 2014 voru sumarhús á Suðurlandi orðin um 6.500 talsins, af 12.700 húsum á landinu öllu.
Meðalkaupverð sumarhúsa hefur hækkað um allt að 75 prósent frá hruni, er fram kemur í tölum Þjóðskrár um verð á sumarhúsum. Meðalfermetraverð er nú það sama, og sums staðar meira, en það var fyrir hrun. Verðið er þó mjög misjafnt eftir landshlutum.
Sumarhús virðast vera dýrust á Norðurlandi og ódýrust á Vestfjörðum, samkvæmt tölunum. Hafa ber í huga að úrtakið á Vestfjörðum og í Reykjavík og á Reykjanesi, er afar lítið; einungis þrjú og fjögur. Það gæti því skekkt myndina.
Sumarhús á Norðurlandi kostuðu að meðaltali um 16,3 milljónir króna í árslok 2015. Sumarhús á Suðurlandi voru örlítið ódýrari og kostuðu rúmar 16 milljónir að meðaltali. Húsin á Vestfjörðum kostuðu tæpar fimm og hálfa milljón að meðaltali og á Austurlandi kostuðu þau rúmar sex og hálfa milljón.
Einn bústaður á hverjar sex fjölskyldur
Fjöldi sumarhúsa til sölu þrefaldaðist á fyrsta árinu eftir hrun. Árið 2009 voru um fimm til sex prósent heildarfjöldans á sölu, en á því hægðist eftir því sem á leið. Í dag eru tæplega 4,5 prósent bústaða á landinu á söluskrá. Á fastegnavef Vísis er að finna um 550 sumarhús á skrá og hjá MBL eru þau um 580. Eins og áður segir eru skráð sumarhús um 12.700 talsins. Sé litið til fjölda fjölskyldna á hvern bústað að meðaltali má segja að einn bústaður sé á hverjar sex fjölskyldur, en um 80.000 kjarnafjölskyldur eru skráðar á landinu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Fasteignamarkaður
Telur lága vexti og minni verðhækkanir hafa leitt til fleiri íbúðakaupa
Segir of lítið framboð vera á ódýrum íbúðum
Húsaleiga hækkað hraðar en fasteignaverð
Íbúðamat á Reykjanesi hækkar um 41,1 prósent
Reglur settar um hámark á fasteignalánum
Athugasemdir