Helga Vala Helga­dóttir, lög­maður manns sem fjalla á um í Kast­ljósi í kvöld, hefur til­kynnt rit­stjórn frétta­skýr­inga­þátt­ar­ins að hún ætli að fara fram á lög­bann á þátt­inn. Í honum verður fjallað um hversu langt sölu­menn eru til­búnir að ganga í því að selja varn­ing sem ekki er við­ur­kenndur. Þetta kemur fram í frétt RÚV.

Sigmar Guð­munds­son, rit­stjóri Kast­ljóss, segir í sam­tali við Stundina að mað­ur­inn sé, ásamt fleirum, til umræðu í þætt­inum. Lögmaður hans, Helga Vala, hafi haft sam­band við þátta­stjórn­endur í dag. „Fyrst var reynt að semja við okkur á þá vegu að við myndum sleppa honum alveg úr þætt­inum. Við sættum okkur ekki við það enda teljum við efnið eiga brýnt erindi við almenn­ing. Þá var okkur sagt að farið yrði fram á lög­bann,“ segir Sigmar og stað­festir að krafan hafi þegar verið send sýslu­manni. Hún hafi hins vegar ekki enn borist þætt­inum en þegar það ger­ist full­yrðir Sigmar að henni verði mót­mælt harð­lega.