Á þrettánda þúsund manns hafa boðað komu sína, eða lýst yfir áhuga á því að mæta, á boðuð mótmæli á Austurvelli á morgun. Þegar þetta er skrifað hafa 7.000 boðað komu sína á meðan 5.600 sýna því áhuga. Þeim sem boða komu sína og/eða sýna því áhuga, hefur fjölgað gríðarlega síðustu klukkustundir, voru á milli 5-6 þúsund áður en sérstakur Kastljós-þáttur var sýndur, en eru sem fyrr segir farnir að nálgast þrettánda þúsundið. Auk þess hafa nærri 500 trommuleikarar boðað komu sínu á öðrum vettvangi en þeir hyggjast „sameina mótmælendur í takti gegn sitjandi ríkisstjórn.“ Ljóst er að fyrrgreindur Kastljós-þáttur hefur hrist upp í mörgum og að vænta megi mikilla mótmæla fyrir framan Alþingishúsið klukkan fimm á morgun.
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Wintris-málið
Leyndu tilvist Wintris og greiddu ekki skatta í samræmi við lög
Sigmundur Davíð Gunnlaugsson fyrrverandi forsætisráðherra og eiginkona hans viðurkenndu í bréfi til ríkisskattstjóra að hugsanlega hefðu þau ekki farið að reglum með því að skila ekki CFC-skýrslum. Þurftu að láta leiðrétta skattframtöl mörg ár aftur í tímann. Útsvar, auðlegðarskattur og tekjuskattur var endurákvarðaður.
Skorað á Sigmund að stofna nýjan flokk: „Aðdáun mín til staðar ennþá“
Sigmundur Davíð Gunnlaugsson íhugar stöðu sína og skorað er á hann til sérframboðs. Markaðsráðgjafinn Viðar Garðarsson leiðir stuðningshóp Sigmundar Davíðs og heldur úti vefsíðum honum til stuðnings.
Sigmundur Davíð felldur úr formannsstóli
Eftir ásakanir um „einræði“ og bellibrögð við skipulagningu landsþings Framsóknarflokksins og afsögn í kjölfar afhjúpunar á leyndum hagsmunum í Panamaskjölunum var Sigmundur Davíð Gunnlaugsson felldur sem formaður flokksins rétt í þessu. Sigurður Ingi Jóhannsson er nýr formaður.
Sigmundur sagði ósatt í gær - boðað til þingflokksfundar
Sigmundur Davíð Gunnlaugsson, formaður Framsóknarflokksins, hélt því fram í kappræðum Ríkissjónvarpsins að hann hefði aldrei átt aflandsfélagið Wintris. Pappírar sýna að það var rangt.
Eygló kannar bakland sitt: Líkleg til að skora Sigmund á hólm
Samkvæmt heimildum Stundarinnar kannar stuðningshópur Eyglóar Harðardóttur þessa dagana hvort raunhæfur möguleiki sé á því að hún leggi Sigmund Davíð Gunnlaugsson í formannsslag.
„Ég hef aldrei, aldrei, kynnst viðlíka óheiðarleika, virðingarleysi og lygum af hálfu fjölmiðlamanna“
Jóhannes Þór Skúlason, aðstoðarmaður Sigmundar Davíðs, fjallar um samskipti sem hann átti við Jóhannes Kr. Kristjánsson og sjónvarpsmenn hjá sænska ríkissjónvarpinu í aðdraganda heimsfrægs viðtals við fyrrverandi forsætisráðherra. Hann segir farir sínar ekki sléttar.
Athugasemdir