Þing­flokkur Fram­sókn­ar­flokks­ins boð­aði til fundar í dag klukkan 13.

Þing­flokks­for­maður og þing­maður flokks­ins neit­uðu að svara því hvort fund­ur­inn varð­aði stöðu for­manns­ins, Sig­mundar Davíðs Gunn­laugs­sonar, en sú var þó raunin. 

„Ekkert komment um hann,“ sagði Ásmundur Einar Daðason þing­flokks­for­maður þegar Stundin ræddi við hann. Stundin náði tali af Þórunni Egils­dóttur, vara­for­manni þing­flokks­ins, og spurði um efni fund­ar­ins. „Ég er ekki með fund­ar­boðið fyrir framan mig þannig ég get ekki gefið það upp,“ svar­aði hún. Spurð hvort það væri rétt sem fram kæmi í frétt RÚV af mál­inu, að hluti þing­flokks­ins hefði boðað til fund­ar­ins vegna óánægju með for­mann flokks­ins, sagði Þórunn: „Ég get ekki stað­fest það.“

Eftir fund­inn lýsti þing­flokk­ur­inn yfir stuðn­ingi við Sigmund Davíð sem for­mann. Sigurður Ingi Jóhanns­son vara­for­maður hefur hins vegar lýst yfir mót­fram­boð í for­manns­stól á flokks­þing­inu 1. októ­ber. 

Sigmundur afneitaði öllu málinu

Sig­mundur hóf fyrstu kapp­ræður kosn­inga­bar­átt­unar í gær á því að afneita Wintris-mál­inu, stærsta póli­tíska frétta­máli árs­ins, sem vakti heims­at­hygli og leiddi til afsagnar hans sem for­sæt­is­ráð­herra í kjöl­far fjöl­mennra mót­mæla.

Í kapp­ræð­unum í gær sagð­ist Sig­mundur aldrei hafa átt félagið Wintris Inc á Tortólu. Skjöl sem birt hafa verið opin­ber­lega sýna hins vegar að hann var skráður eig­andi ásamt eig­in­konu sinni Önnu Sig­ur­laugu Páls­dóttur. Sig­mundur var skráður eig­andi Wintris þegar félagið gerði kröfu upp á rúm­lega hálfan millj­arð króna í þrotabú bank­anna, en Sig­mundur hefur sem stjórn­mála­maður haft ríka aðkomu að mál­efnum sem tengj­ast kröfu­höfum. 

SkjaliðSýnir eign­ar­hald Sig­mundar Davíðs Gunn­laugs­sonar á Wintris, sem hann afneit­aði aftur í gær.

Mynd:

Sig­mundur gaf ekki upp eign­ar­hald sitt á Wintris, jafn­vel þótt siða­reglur ráð­herra kveði skýrt á um að hann beri að upp­lýsa um til­felli þegar per­sónu­legir hags­munir hans stang­ist á við almanna­hags­muni, hvort sem um er að ræða hann sjálfan eða fjöl­skyldu­með­lim hans.

Staða Sigmundar braut gegn siðareglum ráðherra

Í siða­reglum ráð­herra, sem settar voru til að forð­ast spill­ingu, segir: 

„Ráðherra forð­ast árekstra milli almanna­hags­muna ann­ars vegar og fjár­hags­legra eða per­sónu­legra hags­muna sinna eða fjöl­skyldu sinnar hins vegar og gætir þess að per­sónu­leg tengsl hafi ekki áhrif á störf sín. Takist honum ekki að koma í veg fyrir hags­muna­á­rekstra af þessu tagi skal hann upp­lýsa um þá.“

Auk þess segir að ráð­herra beiti sér fyrir því innan ráðu­neytis og stofn­ana sem heyra undir hann að „tekið sé á hags­muna­á­rekstrum strax og þeir koma upp og hann fær vit­neskju þar um.“ Þá „skal hann beita sér fyrir því að starfs­fólk sé sér með­vitað um mögu­lega hags­muna­á­rekstra og leiðir til að koma í veg fyrir þá.“

Loks gefa siða­regl­urnar for­sæt­is­ráð­herr­anum, í þessu til­felli Sigmundi Davíðs, það hlut­verk að kalla eftir upp­lýs­ingum um hags­muna­á­rekstra eins og þá sem Sig­mundur var í. „Ráðherra upp­lýsir um fjár­hags­leg hags­muna­tengsl eða önnur slík tengsl sem valdið geta hags­muna­á­rekstum ... For­sæt­is­ráð­herra getur í sam­ráði við rík­is­stjórn ákveðið að kalla með skipu­lögðum hætti eftir frek­ari upp­lýs­ingum um hags­muna­tengsl ráð­herra sem birtar yrðu almenn­ingi.“

Sig­mundur Davíð var því í rúm­lega 500 millj­óna króna hags­muna­á­rekstri við almanna­hag án þess að láta vita af því, þótt hann hefði þá skyldu að gera það og sjá til þess að aðrir geri það.

Eign­ar­hald Sig­mundarMyndræn útskýr­ing alþjóð­legu blaða­manna­sam­tak­anna ICIJ á tengslum Sig­mundar Davíðs við Wintris.

Mynd: ICIJ

Sig­mundur var spurður í gær út í sið­ferð­is­legu hlið­ina: „Þér finnst sem sagt ekk­ert athuga­vert við það að for­sæt­is­ráð­herra eigi eignir á aflands­svæðum?“

„Ég á ekki og hef aldrei átt aflands­fé­lag.“

Sig­mundur var minntur á að hann hefði átt félag með eig­in­konu sinni, þar til hún keypti það af honum á einn Banda­ríkja­dal, eða rúm­lega 100 krónur dag­inn áður en ný skatta­lög tóku gildi sem tóku á aflands­fé­lögum. 

Þegar hags­muna­á­rekstur Sig­mundar var afhjúp­aður í þætti Jóhann­esar Kr. Krist­jáns­sonar sagði Sig­mundur ósatt og gekk út úr við­tal­inu. Upptaka úr þætt­inum sést hér fyrir neðan ásamt yfir­lýs­ingum Sig­mundar í gær.

Afneitaði orsök flýtingu kosninganna

Í kapp­ræð­unum í gær afneit­aði Sig­mundur því einnig að kosn­ingum hefði verið flýtt vegna afsagnar hans. Þá sagð­ist hann ein­ungis hafa stigið til hliðar tíma­bundið. 

Sig­mundur var spurður að því í gær hvers vegna hann hefði aldrei beðist afsök­unar á Wintris-mál­inu. Hann byrj­aði á því að leið­rétta spyril­inn. 

„Í fyrsta lagi verð ég nú að gera athuga­semd við það að það sé verið að kjósa snemma vegna þessa máls sem þú rekur. Ég steig til hliðar á meðan að það mál var að skýr­ast. Sem það hefur svo sann­ar­lega gert núna.“

Athuga­semd Sig­mundar í gær, um að ekki væri verið að kjósa vegna Wintris-máls­ins, gengur gegn yfir­lýs­ingu Bjarna Bene­dikts­sonar, for­manns Sjálf­stæð­is­flokks­ins, í kjöl­far til­kynn­ingar á afsögn Sig­mundar í apríl síð­ast­liðnum. Bjarni sagði stjórn­ar­flokk­ana hafa brugð­ist við með sögu­legum hætti með því að for­sæt­is­ráð­herra segði af sér. „Í hans stól mun setj­ast Sig­urður Ingi í sam­ræmi við fyrri verka­skipt­ingu flokk­anna ...En við ætl­um að stíga við­bót­ar­skref til þess að mæta kröf­um um að virkja lýð­ræðið í land­inu og til að koma til móts við þá stöðu sem hef­ur mynd­ast þá hyggj­umst við stefna að því að halda kosn­ing­ar í haust og stytta þar með kjör­tíma­bilið um eitt lög­gjaf­arþing.“

Síðar átti Sig­mundur Davíð eftir að berj­ast gegn því að kosn­ingum yrði flýtt, eins og kynnt hafði verið við afsögn hans. 

Sagði ósatt um vinnubrögð RÚV

Sig­mundur kvart­aði undan því að hafa ekki fengið tæki­færi til að útskýra mál sitt. 

„Það er gott eftir alla þessa mán­uði að þið skulið loks­ins gefa tæki­færi til þess að láta hið rétta koma fram í þessu.“

Bogi Ágústs­son, frétta­maður RÚV, hefur hins vegar útskýrt hvernig Sig­mundur forð­að­ist ítrekað að svara þegar eftir því var leitað. „Ég hef verið að velta því fyrir mér, vegna þess að ég starfa nú á frétta­stofu, sem burt­séð frá deg­inum í dag, tekur sig býsna alvar­lega, og reynir að segja eins sannar og réttar fréttir og mögu­legt er, hvernig hefði það gengið í Bret­landi, ef eitt­hvað svipað hefði komið fyrir David Cameron, og hann hefði neitað BBC um við­tal, í allan þennan tíma sem hann hefur gert. Við höfum á hverjum ein­asta degi reynt að ná í hann og fáum alltaf afsvar.“

Sig­mundur var loks spurður í gær­kvöldi hvort hann sæi enga ástæðu til að biðj­ast afsök­unar.

„Við ætlum kannski bara að koma því á hreint. Þú, sem sagt, eftir allt sem á undan er gengið, alla þá atburða­rás sem við lýstum hér áðan, og atburði sum­ars­ins, þú sérð enga ástæðu til þess að biðj­ast afsök­unar á Wintris-mál­inu?“

„Jú, jú, ég nefndi það, ég gæti beðist afsök­unar á mörgum hlutum, en ég get ekki beðist afsök­unar á því með hvaða hætti ákveðnir aðilar, meðal ann­ars á vegum ykkar stofn­unar, gengu fram í þessu máli.“

Þá end­ur­tók Sig­mundur, sem greindi aldrei frá hags­muna­á­rekstri sínum þrátt fyrir skýr til­mæli siða­reglna um það og sagði ósatt í við­tali um málið, að hann hefði ekki falið neitt. „Í engu var reynt að fela nokkurn hlut.“