Neytendur

Jólavörur hækka í verði á milli ára

Verð­lags­eft­ir­lit ASÍ mun fylgj­ast ná­ið með verði á jóla­vör­um og mat­vöru á næstu viku. Jóla­vör­ur hafa nú þeg­ar sveifl­ast frá því þær komu í hill­ur versl­ana. Kíló­verð á Nóa-kon­fekti hækk­ar tölu­vert minna en ann­að súkkulaði frá sæl­gæt­is­gerð­inni.

Jólavörur hækka í verði á milli ára
Dýraafurðir dýrari Samkvæmt könnun ASÍ hefur verð á dýraafurðum vegið þungt í hækkunum ársins. Verð á eggjum hefur hækkað um 12 prósent, á lamba- og nautakjöti um 10 prósent, en verð á tófú lækkað um 1 prósent og verð á kjúklingabaunum um 2 prósent. Mynd: Golli
Birtist fyrir 7 mánuðum.

Jólin koma á hærra verði, segir í færslu frá Verðlagseftirliti ASÍ á vef sambandsins. Árstíðabundnar jólavörur hafa margar hækkað töluvert á milli ára, samkvæmt könnun eftirlitsins.

„Verð á jólavörum getur sveiflast fram að hátíðum og getur verið gott fyrir neytendur að vera á verði gagnvart verðlagi í desember. Verðlagseftirlit ASÍ mun fylgjast náið með verði á jólavörum og matvöru á næstu viku,“ segir í færslunni. 

Mest ber á verðbreytingum í kaffi og sælgæti. Freyja jólakötturinn birtist í hillum Bónus í lok nóvember og kostaði 229 krónur en kostaði 169 krónur fyrir ári síðan. Það er 36 prósenta hækkun milli ára.

Malað jólakaffi frá Te & kaffi fór í sölu í nóvember á 1.429 krónur í Bónus og 1.430 krónur í Krónunni, sem samsvarar um 15 prósenta hækkun milli ára. Nú um mánaðamótin hefur verðið aftur fallið og er 1.295 krónur í Krónunni, 10 prósentum lægra en fyrir fáeinum dögum.

Verð á jóladrykknum Malt & appelsín hefur líka sveiflast. Drykkurinn kom í sölu í Krónunni á 285 krónur en kostar nú 278 krónur. Þrátt fyrir lækkun er núverandi verð ríflega 3 prósent hærra en á sama tíma í fyrra í bæði Bónus og Krónunni.

Verðlagseftirlitið nefnir líka að Myllu jólaterturnar hafi kostað 878 krónur í Prís fyrir ári, sem þá var 5-9 prósentum lægra en hjá keppinautum, en nú kosta þær 949 krónur í búðinni. Það er um átta prósenta árshækkun. Kökurnar kosta 998 krónur í Bónus og 999 krónur í Krónunni.

Hálfur lítri af MS matreiðslurjóma hefur hækkað um 8% í bæði Bónus og Krónunni á milli ára, en plönturjómar frá Schlagfix, Oatly og Alpro standa í stað í Krónunni, á sama verði og í fyrra.

Valhnetukjarnar sem seldir eru undir nafninu Til hamingju kosta nú 199 krónur í Krónunni og hafa lækkað um 13% milli ára (frá 229 krónur). Euroshopper-valhnetur kosta 217 krónur í 100 gramma poka í Bónus (4% hækkun) og 498 krónur í 300 g poka (8% hækkun).

Ósteikt laufabrauð frá Kristján kostaði 1.898 krónur í Prís líkt og í fyrra, en 2.059 krónur í Bónus og 2.060 krónur í Krónunni, sem er rúmlega 7 prósenta hækkun milli ára.

Eins kílógramms konfektkassi frá Nóa Síríus hefur hækkað um 9 prósent í Krónunni, sem er minni árshækkun en á öðru sælgæti. Meðalhækkun vara frá Nóa Síríus milli ára nam 19 prósentum í Bónus, Krónunni og Prís.

Kjósa
4
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Tæknistreita leiddi til skógarbaða
1
Viðtal

Tækn­istreita leiddi til skóg­ar­baða

Shinrin-yoku, eða skóg­ar­bað eins og það út­leggst á ís­lensku, er heiti á gagn­reyndri að­ferð til streitu­los­un­ar þar sem er ver­ið að beina hug­an­um og skyn­fær­un­um með­vit­að að nátt­úr­unni. Shinrin-yoku var við­bragð við versn­andi lýð­heilsu í Jap­an og er nú hluti af heil­brigðis­kerf­inu þar. Hér hafa þær Gunn­þóra Ólafs­dótt­ir og Ír­is Lana Birg­is­dótt­ir í sam­vinnu við Skóg­rækt­ar­fé­lag Reykja­vík­ur boð­ið upp á skóg­ar­böð í Heið­mörk, sem hafa þó ekk­ert með eig­in­leg böð að gera.

Mest lesið

Mest lesið í vikunni

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Tæknistreita leiddi til skógarbaða
Viðtal

Tækn­istreita leiddi til skóg­ar­baða

Shinrin-yoku, eða skóg­ar­bað eins og það út­leggst á ís­lensku, er heiti á gagn­reyndri að­ferð til streitu­los­un­ar þar sem er ver­ið að beina hug­an­um og skyn­fær­un­um með­vit­að að nátt­úr­unni. Shinrin-yoku var við­bragð við versn­andi lýð­heilsu í Jap­an og er nú hluti af heil­brigðis­kerf­inu þar. Hér hafa þær Gunn­þóra Ólafs­dótt­ir og Ír­is Lana Birg­is­dótt­ir í sam­vinnu við Skóg­rækt­ar­fé­lag Reykja­vík­ur boð­ið upp á skóg­ar­böð í Heið­mörk, sem hafa þó ekk­ert með eig­in­leg böð að gera.

Mest lesið undanfarið ár