Skattaskjól

15. febrúar 2023 Kristján Örn Sig­urðs­son, sem hætti sem for­stjóri Sam­ein­aða líf­eyr­is­sjóðs­ins eftir upp­ljóstrun Panama­skjal­anna, var í for­svari fyrir Panama­fé­lag sem var í þunga­miðju hund­raða millj­óna skattsvika Sigurðar Gísla Björns­sonar, eig­anda og stjórn­anda Sæmarks. Yfir­skatta­nefnd hefur stað­fest hálfs millj­arðs skatta­kröfu á hendur þeim síð­ar­nefnda í einu umfangs­mesta skattsvika­máli sög­unnar.

8. október 2021 Nafn fyr­ir­tækis í eigu flug­fé­lags­ins Icelandair kemur fyrir í Pand­óru­skjöl­unum svoköll­uðu. Fyr­ir­tæki í eigu Icelandair hafa nú komið við sögu í þremur stórum lekum úr skatta­skjólum síð­ast­liðin ár.

7. október 2021 Fjár­festir­inn Magnús Ármann, sem var einn umsvifa­mesti íslenski athafna­mað­ur­inn í Panama­skjöl­unum, flutti eign­ar­halds­fé­lag sitt úr skatta­skjól­inu Panama til Lúx­em­borgar árið 2016. Hann breytti um nafn á félag­inu.

30. maí 2019 Alvotech, lyfja­þró­un­ar­fyr­ir­tæki Róberts Wessman, er með nærri 30 millj­arða nei­kvætt eigið fé en er ennþá í upp­bygg­ing­arfasa. Róbert á hluti í félag­inu og millj­arða króna eignir, meðal ann­ars á Íslandi, í gegnum flókið net eign­ar­halds­fé­laga sem endar í skatta­skjól­inu Jersey.

26. apríl 2019 Sigurður Bollason fjár­festir notar félag í skatta­skjól­inu Guernsey til að stunda við­skipti með hluta­bréf Kviku og í fast­eignum á Íslandi. Var einn stærsti not­andi skatta­skjóls­fé­laga í Panama­skjöl­unum.

18. desember 2018 Dæmdur í tíu mán­aða skil­orðs­bundið fang­elsi fyrir að hafa þvættað á bil­inu 49 til 57 millj­ónir króna. Eini Íslend­ing­ur­inn í Panama­skjöl­unum sem hefur verið ákærður fyrir það sem þar kom fram.

9. maí 2018 Þing­maður Sam­fylk­ing­ar­innar spyr hvað tefji fjár­mála­ráð­herra við að gefa svör um úrvinnslu skatta­gagna. Bjarni Bene­dikts­son var sjálfur til umfjöll­unar í Panam­skjöl­unum.

13. febrúar 2018 Skatt­rann­sóknin á Sigurði Gísla hefur víð­tækar afleið­ingar fyrir eign­ar­hald á íslenskum og erlendum fisk­sölu­fyr­ir­tækjum.

9. febrúar 2018 Einar Hann­es­son lög­maður er nýr aðstoð­ar­maður Sigríðar Á. Andersen dóms­mála­ráð­herra. Hann tekur við starf­inu í óvenju­legum aðstæðum, en sum­arið 2013 greind­ist hann með krabba­mein sem nú er ljóst að er ólækn­andi. En Einar kemur einnig að verk­efn­inu með óhefð­bundin sjón­ar­mið í ætt við hægri væng Repúblikana­flokks­ins í Banda­ríkj­unum, and­stöðu við Par­ís­ar­sam­komu­lagið gegn gróð­ur­húsa­á­hrifum og áhyggjum vegna múslima í Evrópu. Sjálfur seg­ist hann ekki vera öfga­maður.

26. nóvember 2017 Kristján Vil­helms­son hjá Samherja þarf að greiða end­ur­á­kvarð­aða skatta með 25 pró­senta álagi vegna skatta­laga­brota sinna. 5 millj­óna króna sektin var ein­ungis refs­ing vegna brota hans en svo bæt­ast skattar við með álagi. Indriði Þor­láks­son segir að flestir uni nið­ur­stöðum skatta­yf­ir­valda um end­ur­á­kvörðun skatta til að sleppa við opin­ber dóms­mál.