Össur Skarp­héð­ins­son, þing­maður og fyrr­ver­andi ferða­mála­ráð­herra, vandar Ragn­heiði Elínu Árna­dóttur, núver­andi ráð­herra ferða­mála, ekki kveðj­urnar á Facebook. Ragn­heiður Elín hélt því fram í við­tali í Frétta­blað­inu í dag að orsök þess að erlendir ferða­menn gengu örna sinna á víða­vangi eða utan sal­ern­is­að­staða væri hegð­un­ar­vandi ferða­mann­anna.

„Eftir tvö og hálft ár í emb­ætti hefur nær ekk­ert gerst hjá Ragn­heiði Elínu í upp­bygg­ingu á ferða­manna­stöðum,“ skrifar hann og bætir því við að um leið fjölgi ferða­mönnum stöðugt og að á fjöl­sóttum stöðum séu inn­viðir að springa.

Hegðunarvandi ferðamanna

Össur Skarp­héð­ins­son Fyrr­ver­andi ráð­herra ferða­mála gagn­rýnir eft­ir­mann sinn.

Mynd: Wikimedia commons

Össur vísar til við­tals sem birt­ist við Ragn­heiði Elínu í Frétta­blað­inu í dag. „Það sem vekur athygli mína við þessar fréttir er að þær koma frá stöðum þar sem þessi mál eru bara alveg í lagi. Þetta er þá bara eitt­hvert hegð­un­ar­vanda­mál sem ég bara veit ekki hvernig á að leysa og það eru ferða­þjón­ustu­að­ilar sem þurfa að taka á þessu máli með sínum gestum. Þetta er bara meira eins og upp­eld­is­mál,“ er þar haft eftir ráð­herr­anum.

„Þetta er bara meira eins og upp­eld­is­mál“

Össur segir að víða ríki öng­þveiti „þar sem aðþrengdir útlend­ingar ganga örna sinna á víða­vangi eða álf­reka í görðum heima­manna“. „Hvernig bregst ráð­herra ferða­mála við? Hún kemur með þá gáfu­legu skýr­ingu að þetta sé „hegð­un­ar­vanda­mál.“ Lík­leg­ast er hún eini Íslend­ing­ur­inn sem þekkir ekki þá til­finn­ingu að vera í spreng eftir að hafa skakast tímunum saman í rútu. Stað­reyndin er því miður sú að rót vand­ans liggur í henni sjálfri,“ skrifar hann.

Ferða­mála­ráð­herra Ragn­heiður Elín Árna­dóttir sakar ferða­menn sem koma til Íslands um að ganga örna sinna á víða­vangi vegna hegð­un­ar­vanda.

Ragnheiður lagðist gegn skattheimtu

Össur segir Ragn­heiði ekki hafa komið neinu í verk til að tryggja tekju­streymi til að byggja upp inn­viði á ferða­manna­stöðum. Hún hafi hins vegar átt í lang­vinnum úti­stöðum við ferða­þjón­ust­una um leiðir til þess.

Þá skrifar Össur: „Og það var hún sem lagð­ist sem for­maður þing­flokks Sjálf­stæð­is­manna harð­ast allra gegn skatt­breyt­ingum í tíð fyrri rík­is­stjórnar sem hefðu aflað tekna til að leysa vand­ann. Eina „afrek“ hennar er hinn stein­dauði nátt­úrupassi sem allir, jafnt hennar flokkur sem ferða­þjón­ustan, skutu á bólakaf enda alvit­laus­asta hug­mynd sem fram hefur komið í ára­tugi. - Síðan hefur varla til ráð­herr­ans spurst. Í dag kom þó í ljós að hún er enn í emb­ætti þegar hún gaf hina gáfu­legu yfir­lýs­ingu um að það væri „hegð­un­ar­vanda­mál“ að útlend­ingum yrði mál eftir að hafa hoss­ast um hálendið. - Að sönnu má fall­ast á að vand­inn felist í hegðun. En liggur ekki í augum uppi að „hegð­un­ar­vanda­mál“ Ragn­heiðar Elínar er verk­leysi hennar sjálfrar?“

Ferðaþjónustuaðilar kvarta undan salerniskostnaði

Kvartað hefur verið undan því fram­ferði ferða­manna við Gullfoss og Jök­ulsár­lón að hægja sér utan sal­erna. Ástdís Krist­jáns­dóttir, rekstr­ar­stjóri Gullfoss Kaffi, lýsti því í sam­tali við mbl.is á dög­unum að ferða­menn svindli sér inn á sal­erni án þess að borga 200 króna gjald og „mígi og skíti“ við starfs­manna­hús og „glotti“ þegar gerð væri athuga­semd.

„Við bugt­um okk­ur og beygj­um; komið og valtið yfir okk­ur.“

„Við bugt­um okk­ur og beygj­um; komið og valtið yfir okk­ur. Skítið bara á Þing­völl­um eða hvar sem ykk­ur sýn­ist. Þetta við­horfið og það er skelfi­legt. Ég er með starfs­manna­hús við hlið­ina á Gull­foss Kaffi og þar eru ferða­menn míg­andi og skít­andi fyr­ir utan glugg­ana. Starfs­fólkið sér þetta og bank­ar í glugg­ann en fólkið glott­ir bara og hverf­ur á braut,“ sagði Ástdís.

Einnig er hægða­vandi við Jök­ulsár­lón. Þar lokar sal­ern­is­að­staða klukkan 19 á dag­inn. Katrín Ósk Ásgeirs­dóttir hjá Jök­ulsár­lóni ehf. lýsti vand­anum í sam­tali við mbl.is. „Fólk er að gera þetta á bak við bíl­ana, rút­urn­ar, á hús­in, miða­sölu­skúr­inn og svo fram­vegis. Maður skil­ur al­veg að fólki verði mál, en þetta er bara svo ógeðs­legt. Við töl­um við þá sem við stönd­um að verki, en þetta er auð­vitað svo­lítið vand­ræðal­egt og fólk kannski ekki mjög opið með hægðir sín­ar ... Papp­ír­inn fýk­ur út um allt og ger­ir um­hverfið svo ljótt.“