Fjár­mála­á­ætlun Bene­dikts Jóhann­es­sonar, fjár­mála- og efna­hags­ráð­herra, hefur að geyma sama stefnumið um sér­stakar skorður við tekju­öflun rík­is­ins og kveðið var á um í fjár­mála­á­ætlun Bjarna Bene­dikts­sonar sem kynnt var í fyrra. Í báðum áætl­unum er því slegið föstu að frum­tekjur rík­is­ins, það er skatt­tekjur og annað en vaxta­tekjur og óreglu­legir liðir, skuli ekki aukast umfram vöxt vergrar lands­fram­leiðslu næstu fimm árin. Seðla­bank­inn telur slíkt fyr­ir­komu­lag „sér­lega baga­legt“ og til þess fallið að magna hag­sveifl­una.

Í umsögn sem Seðla­bank­inn birti um fjár­mála­á­ætlun fyrri rík­is­stjórnar er stefnu­miðið um tekjur sér­stak­lega gagn­rýnt. „Það fyrsta sem vekur athygli við fjár­mála­á­ætl­un­ina eru stefnumið áætl­un­ar­innar fyrir rík­is­sjóð. Til­greint er að frum­tekjur skuli ekki aukast umfram vöxt VLF frá árinu 2017 til árs­ins 2021,“ segir í umsögn­inni. Bent er á að almennt sé jákvætt sam­band milli fram­leiðslu­spennu og hlut­falls svo­kall­aðra frum­tekna af vergri lands­fram­leiðslu. Ef hag­vöxtur verði meiri en gert er ráð fyrir í áætl­un­inni muni …