Átta spurningar til Sigríðar Bjarkar

Sigríður Björk Guð­jóns­dóttir, lög­reglu­stjóri á höf­uð­borg­ar­svæð­inu, hefur enn ekki svarað beiðni Stund­ar­innar um að veita við­tal vegna úrskurðar Per­sónu­verndar. Per­sónu­vernd telur að Sigríður hafi, sem lög­reglu­stjóri á Suð­ur­nesjum, brotið lög um per­sónu­vernd og miðlun per­sónu­upp­lýs­inga, en bæði Sigríður og Ólöf Nordal inn­an­rík­is­ráð­herra eru ósam­mála þeirri nið­ur­stöðu. Stundin sendi lög­reglu­stjór­anum eft­ir­far­andi spurn­ingar:

1. Hvers vegna upp­lý­st­irðu ekki lög­regl­una á höf­uð­borg­ar­svæð­inu um sam­skipti þín við Gísla Frey Val­dórs­son meðan rann­sókn leka­máls­ins stóð yfir og Gísli hafði rétt­ar­stöðu grun­aðs manns?

2. Per­sónu­vernd telur verk­lag þitt hafa farið í bága við 11. og 12. grein laga um per­sónu­vernd og með­ferð per­sónu­upp­lýs­inga. Í við­tali við RÚV á dög­unum sagðir þú hins vegar: „Nei, ég tel ekki að ég hafi brotið lög“. Telur þú að Per­sónu­vernd hafi rangt fyrir sér, og ef svo er, hvers vegna?

3. Í yfir­lýs­ingu sem þú sendir frá þér á föstu­dag seg­ist þú sem send­andi hvorki hafa getað „vitað né tryggt” að við­hlít­andi heim­ild væri fyrir hendi þegar þú sendir Gísla Frey skýrslu­drög um mál­efni Tony Omos. Samkvæmt úrskurði Per­sónu­verndar var hins vegar lög­reglan á Suð­ur­nesjum „ábyrgð­ar­að­ili að þeirri vinnslu per­sónu­upp­lýs­inga sem fólst í miðl­un­inni” og sem lög­reglu­stjóri bar þér að tryggja að miðl­unin sam­rýmd­ist per­sónu­vernd­ar­lögum. Telur þú að Per­sónu­vernd hafi rangt fyrir sér um þetta? Hvar telur þú að ábyrgðin liggi, ef hún lá ekki hjá þér?

4. Hvers vegna gafstu Per­sónu­vernd ekki nákvæmar upp­lýs­ingar um hvenær þú sendir Gísla Frey skýrslu­drögin um mál­efni Tony Omos?

5. Málsvörn þín und­an­farna daga hefur byggt á því að þú hafir ekki vitað að í miðlun per­sónu­upp­lýs­ing­anna hafi falist lög­brot. Verður tekið til­lit til sam­bæri­legra sjón­ar­miða við með­ferð mála sem eru til rann­sóknar hjá lög­regl­unni á höf­uð­borg­ar­svæð­inu í fram­tíð­inni?

6. Í til­kynn­ingu sem þú sendir frá þér þann 18. nóv­em­ber síð­ast­lið­inn sagð­ist þú hafa hringt í Gísla að morgni 20. nóv­em­ber árið 2013 „til að svara skila­boðum.“ Gísli neit­aði þessu hins vegar í sam­tali við frétta­stofu RÚV sama dag, og sagð­ist ekki hafa skilið eftir nein skila­boð til þín. Voru þau skila­boð sem þú varst að svara ekki frá Gísla komin, og ef svo er, frá hverjum voru þau?

7. Í við­tali við RÚV fyrir jól sagðir þú orð­rétt: „Ég er með átján ára flekklausan feril. Þið eruð að draga mig niður, ég hef ekk­ert gert”. Telur þú að frétta­flutn­ingur af sam­skiptum ykkar Gísla Freys hafi verið til­efn­is­laus og ein­göngu til þess fall­inn að draga þig niður?

8. Óttast þú ekki að áfram­hald­andi seta þín sem lög­reglu­stjóri skaði trú­verð­ug­leika og traust lands­manna til emb­ættis lög­regl­unnar á höf­uð­borg­ar­svæð­inu?

Tengt efni
Frá­sögnum Gísla Freys og Sigríðar ber ekki saman
Inn­an­rík­is­ráð­herra styður lög­reglu­stjóra eftir lög­brot
Lög­reglu­stjóri ósam­mála Per­sónu­vernd
Villandi ummæli í til­kynn­ingu Sigríðar Bjarkar