Fréttir

Bróðir ráðherrans sem skipaði Sigríði án auglýsingar fékk stöðu án auglýsingar

Helmingur yfirstjórnenda lögreglu fékk stöðuna án auglýsingar. Einn þeirra er bróðir ráðherrans sem skipaði Sigríði í embætti lögreglustjóra án auglýsingar árið 2014 þegar Sigríður þagði um upplýsingar í lekamálinu sem rannsakendur hefðu viljað búa yfir.

Jóhann Páll Jóhannsson

20. september 2019 · 15:30

Birtist upphaflega í Stundinni fyrir rúmum 7 árum.

Sigríður Björk Guðjónsdóttir, sem var skipuð lögreglustjóri af Hönnu Birnu Kristjánsdóttur fyrrverandi dómsmálaráðherra án auglýsingar, skipaði síðar bróður ráðherrans í yfirmannsstöðu án auglýsingar.

Þetta er á meðal þess sem fram kemur í ítarlegri umfjöllun Stundarinnar um ráðningarmál hjá lögreglu í nýjasta tölublaði, en fimm af tíu yfirstjórnendum lögreglunnar á höfuðborgarsvæðinu gegna stjórnunarstöðu sem þeir fengu á grundvelli undanþága frá meginreglu starfsmannalaga um að auglýsa skuli laus störf.

Upplýsti ekki lögreglu um atriði sem gáfu „sterklega til kynna“ hver var sekur í lekamálinu

Þegar Hanna Birna skipaði Sigríði stóð lekamálið svokallaða sem hæst og hafði Stefán Eiríksson látið af embætti lögreglustjóra í kjölfar þrýstings og ítrekaðra afskipta ráðherra af lögreglurannsókn málsins eins og DV fjallaði um og umboðsmaður Alþingis síðar staðfesti. Síðar upplýsti DV um að Sigríður Björk hafði, sem lögreglustjóri á Suðurnesjum, átt í samskiptum við aðstoðarmann ráðherra úr síma sonar síns og sent aðstoðarmanninum trúnaðargögn um hælisleitendur um það leyti sem hann lak slíkum upplýsingum til fjölmiðla. Sigríður hafði ekki upplýst lögreglu eða ákæruvaldið um samskiptin þá fimm mánuði sem rannsókn lekamálsins stóð yfir en haft var eftir vararíkissaksóknara í Kjarnanum að rannsakendur hefðu „gjarnan viljað fá“ þessar upplýsingar frá Sigríði, enda hefðu þær gefið „sterklega til kynna með öðru hver hefði staðið að lekanum eins og síðar kom í ljós“. Málið olli óánægju innan lögreglu þar sem mörgum fannst undarlegt að verða undirmenn einhvers sem hafði mánuðum saman haldið mikilvægum upplýsingum leyndum fyrir lögreglu í rannsókn sem beindist að ráðuneyti sama ráðherra og skipaði Sigríði Björk í embætti lögreglustjóra án auglýsingar.

Sigríður Björk Guðjónsdóttir var skipuð lögreglustjóri á höfuðborgarsvæðinu haustið 2014. Málið vakti mikla athygli, enda var staðan ekki auglýst heldur Sigríður flutt í embættið á grundvelli 36. gr. starfsmannalaga sem veitir stjórnvöldum undanþágu frá auglýsingaskyldunni og heimilar flutning milli embætta.

Mikið hefur verið um stöðuveitingar án auglýsingar hjá lögreglunni á höfuðborgarsvæðinu síðan veitingarvaldið féll Sigríði Björk í skaut og þetta valdið talsverðri ólgu.

Einn þeirra sem fengið hafa yfirmannsstöðu hjá lögreglu án auglýsingar í tíð Sigríðar er Theodór Kristjánsson, bróðir Hönnu Birnu, ráðherrans sem gerði Sigríði Björk að lögreglustjóra höfuðborgarsvæðisins án auglýsingar á sínum tíma.

Theodór var ráðinn aðstoðaryfirlögregluþjónn 1. janúar 2008 samkvæmt auglýsingu og fluttur tímabundið í stöðu yfirlögregluþjóns þann 1. apríl 2019 á grundvelli 36. gr. starfsmannalaga. Hann hafði þó setið í yfirstjórninni síðan 2017, en það ár tók hann við stöðu yfirmanns kynferðisbrotadeildar. Eru yfirlögregluþjónar skipaðir af lögreglustjóra samkvæmt 28. gr. lögreglulaga.

Fram kemur í svörum lögreglu við fyrirspurn Stundarinnar um málið að Theodór hafi verið „fluttur tímabundið í stöðu yfirlögregluþjóns þann 1. apríl 2019 á grundvelli 36. gr.“. Samkvæmt bréfi sem dómsmálaráðuneytið sendi lögreglustjórum landsins í vor á hins vegar 36. gr. starfsmannalaga fyrst og fremst við þegar um varanlega ráðstöfun er að ræða, enda hvergi í 36. gr. kveðið á um heimild til að flytja menn tímabundið á milli embætta í formi setningar.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Lekamálið

Fréttir

Hanna Birna valin í stjórn Jafnréttissjóðs Íslands

Hanna Birna Kristjánsdóttir, fyrrverandi innanríkisráðherra, sagði af sér ráðherradómi og hætti í stjórnmálum eftir að hafa verið staðin að því að segja Alþingi margsinnis ósatt um mál er varðaði brot gegn einstæðri móður frá Nígeríu. Nú er hún einn af fulltrúum Alþingis í stjórn Jafnréttissjóðs Íslands.

Fréttir

Umboðsmaður Alþingis: Borgarar verða að geta treyst því að stjórnmálamenn skipti sér ekki af lögreglurannsóknum

„Ég tel nauðsynlegt sem umboðsmaður Alþingis að vera á varðbergi um að slík þróun verði ekki í íslenskri stjórnsýslu,“ segir umboðsmaður í umfjöllun sinni um háttsemi Hönnu Birnu Kristjánsdóttur í ársskýrslu fyrir 2015. Afskipti ráðherra af störfum lögreglunnar drógu dilk á eftir sér.

Leiðari

Ingibjörg Dögg Kjartansdóttir

Fórnarlömb feðraveldisins

Það er sorgleg nálgun á jafnréttisbaráttuna, sem er mannréttindabarátta og snýst um frelsi einstaklinga, sömu tækifæri fyrir alla og jafnan rétt, að konur megi vera jafn spilltar og karlar.

FréttirLekamálið

„Fjölmiðlar hafa engan áhuga á sátt og samstöðu“

Hanna Birna segir stjórnmálin ekki hafa gefið sér tækifæri til að rækta það góða í sjálfri sér. Karlar njóti mýkri meðferðar en konur. Samkvæmt heimildum Stundarinnar hefur Hanna Birna gagnrýnt flokkssystkini sín fyrir að hafa ekki veitt sér sama stuðning og Illugi fékk í hremmingum sínum.

Pistill

Sigurbjörg Sigurgeirsdóttir

Er spilling á ábyrgð stjórnvalda eða almennings?

Sigurbjörg Sigurgeirsdóttir stjórnsýslufræðingur skrifar um spillingu á Íslandi og kenningar Gunnars Helga Kristinssonar um hana.

FréttirLekamálið

Þrengt að umboðsmanni

Umboðsmaður Alþingis mun ekki fá nægilegt fjármagn til þess að sinna frumkvæðisathugunum. Ákvörðunin kemur í kjölfar harðrar gagnrýni flokksmanna ríkisstjórnarflokkanna á störf umboðsmanns í lekamálinu, sem sneri að ráðherra ríkisstjórnarinnar.

Mest lesið

Viðtal

„Margt sem ég hef séð situr í mér“

Þegar Halla Bergþóra Björnsdóttir varð fyrst kvenna til þess að sinna löggæslu á Húsavík fékk hún að heyra að konur ættu ekkert erindi í lögregluna. Hún lét það ekki á sig fá, varð lögreglustjóri og loks ríkislögreglustjóri. Starfið hefur breytt henni, enda hefur hún komið að erfiðum málum og fengið hótanir. Á sama tíma hefur hún öðlast skarpari sýn á lífið, sterkari löngun til að gera gagn og fundið fyrir þakklæti fyrir allt það góða.

Aðsent

Hrafnhildur Kjerúlf Sigmarsdóttir

Ég, hóran

Fimmtíu og sjö karlmenn eru grunaðir um að hafa ekki komið ungri konu til aðstoðar þegar vinir þeirra nauðguðu henni í hópi. Hrafnhildur Sigmarsdóttir segir brandara um „hórur“ í ræktinni endurspegla sama tilkall til kvenna.

GagnrýniFasteignamartröðin

Martröðin að eignast heimili

Þorvaldur S. Helgason skrifar um Fasteignamartröðina eftir Gabrielė Labanauskaitė, sem sýnd er í Samkomuhúsinu.

Viðtal

Fegurðarskyn á sér „djúpar rætur í sálarlífi okkar“

Páll Jakob Líndal, doktor í umhverfissálfræði, segir fegurðarskyn fólks byggja á gildismati þess og að því sé ekki auðvelt að breyta. Við opnun Vaðölduvers sagði Jóhann Páll Jóhannsson umhverfis-, orku- og loftslagsráðherra að við þyrftum að „laga fegurðarskynið okkar að orkuskiptabyltingunni“.

Viðtal

Ísland „í miðpunkti breytinga á jörðinni“

Heimurinn er kominn yfir sjö af níu þolmörkum jarðar. Prófessorinn Johan Rockström segir þróunina áhyggjuefni en að lausnir séu þegar til staðar. Smáríki þurfi að taka þátt í að leiða sjálfbæra framtíð. „Þetta er kapphlaup og það er eins gott að taka þátt í ferðalaginu eða þið verðið skilin eftir,“ segir prófessorinn.

Pistill

Stefán Ólafsson

Tímabundið 2,5% þak á hækkun leigu?

Hvers vegna ætti einn stærsti orsakavaldur verðbólgunnar að vera undanþeginn mótvægisaðgerðum?

Mest lesið

Mest lesið í vikunni

Erlent

Friðarverðlaunahafi Nóbels er með skilaboð til Trumps

Bandaríkin vilja rífa niður Alþjóðlega sakamáladómstólinn. Ísraelar líkja fyrrverandi dómara við dómstólinn, sem hlaut friðarverðlaun Nóbels, við áróðursmeistara nasista. Hún varar við hættunni.

Stjórnmál

Segir skýrt að það sé ekki heimilt að fara í Selárlaug eftir lokun

Sveitarstjóri Vopnafjarðarhrepps hefur ekki kært innbrot í Selárlaug til lögreglu eftir að fimm þingmenn fóru þangað inn í leyfisleysi. Sveitarstjórinn segir það skýrt að það sé óheimilt að fara í laugina eftir lokun og þetta sé ekki eitthvað sem menn eiga að gera.

GagnrýniDjöflar

Hjónadjöflar

Sigríður Jónsdóttir skrifar um Djöfla eftir Lars Norén, sem sýnt er í Borgarleikhúsinu.

Innlent

Ungt fólk örmagna samkvæmt könnun

Tilfinningaleg örmögnun aldurshópsins 25–34 ára er hæst allra aldurshópa þegar litið er yfir vinnuárið. Kulnun stendur í stað en 27 prósent svarenda töldu sig koma litlu til leiðar í starfi þegar þeir mátu eigin árangur.

ErlentHorft til Evrópu

Burnham segir ljóst að Rússar hafi skipt sér af Brexit-atkvæðagreiðslunni

Forsætisráðherra Bretlands segist hafa fengið skýra staðfestingu á afskiptum Rússa þegar hann tók við embætti. Hann hyggst í dag hvetja þingmenn til að leita eftir nýju samkomulagi við Evrópusambandið og nánari tengslum við það.

Erlent

Gerðu húsleit hjá þingkonu Demókrata

Ilhan Omar hefur áður sagt rannsókn yfirvalda á sér vera pólitíska árás. Þrjár vikur eru til þingkosninga í Bandaríkjunum, þar sem úrslitin ráða því hvor flokkurinn fær meirihluta á þingi. Omar hefur gagnrýnt Donald Trump, forseta Bandaríkjanna, harðlega, sem hefur svarað af hörku.

Mest lesið í mánuðinum

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

Stjórnmál

Reikna ellilífeyri rangt samkvæmt orðalagi laga

Ellilífeyrisgreiðslur hafa miðað við of lágt frítekjumark í nær áratug samkvæmt orðalagi laga. Milljarðar eru undir en Tryggingastofnun túlkar lögin út frá lögskýringargögnum. Skrifstofa Alþingis segir lögin ekki uppfylla kröfur og ráðuneytið hyggst skoða hvort þeim þurfi að breyta.

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

Innlent

Starfsleyfi sex lækna felld niður eftir umfjöllun

Embætti landlæknis tók mál 13 lækna til skoðunar í kjölfar rannsóknar Heimildarinnar og erlendra miðla á læknum sem héldu starfsleyfi í einu landi eftir að hafa misst það í öðru. Sex starfsleyfi hafa verið felld niður og eitt takmarkað.

ViðtalLífið á Grensás

Snýr aftur í hjúkrunarfræði eftir heilablæðingu

Viðbragðsaðilar héldu að Björn Ólafur Haraldsson væri útúrdópaður þegar hann lá á gólfinu með blæðingu í heila. Hann var 21 árs og í hjúkrunarfræðinámi þegar áfallið reið yfir og þurfti ítrekað að leiðrétta mistök ófaglærðs starfsfólks á heilbrigðisstofnunum. Nú stefnir hann á að klára námið og koma sterkari til baka.