Samherji, og tengd útgerðarfyrirtæki, ráða nú samtals 16,6 prósent aflaheimilda eftir að Hæstiréttur Íslands felldi úr gildi héraðsdóm um að Vestmannaeyjabær hefði forkaupsrétt á útgerðinni Bergi-Hugin. Dómurinn féll í gær en austfirska útgerðarfélagið Síldarvinnslan, sem Samherji á stærstan hluta í, keypti Berg-Hugin árið 2012 Með kaupunum á Bergi-Huginn bætast 1,2 prósent kvótans við heildar aflaheimildir Samherja og skyldra félaga. Í september í fyrra nam þessi tala 14,07 prósentum heildarkvótans.
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Kvótinn
Sagan af vélstjóranum í Eyjum sem gagnrýndi kvótakerfið: „Ég var talinn óalandi og óferjandi.“
Stærsta útgerðarfélagið í Vestmannaeyjum, Ísfélagið stendur á tímamótum eftir að Guðbjörg Matthíasdóttir færði eignarhaldið að mestu yfir á syni sína og skráði félagið á markað. Völd útgerðarinnar í Eyjum eru mikil og segir fyrrverandi starfsmaður Ísfélagsins, Árni Marz Friðgeirsson, sögu af því þegar honum var sagt upp vegna greinar sem hann skrifaði í DV um kvótakerfið.
Ættarveldi Guðbjargar og átökin um Eyjar og Ísland
Guðbjörg Matthíasdóttir, útgerðarkona í Vestmannaeyjum, hefur í rúm 20 ár átt og stýrt Ísfélaginu í bænum sem nú er búið að skrá í Kauphöll Íslands. Eiginmaður Guðbjargar, Sigurður Einarsson, lagði grunn að ættarveldinu áður en hann lést árið 2000. Nú eru synir þeirra fjórir orðnir stærstu hluthafar útgerðarinnar.
Ríkið úthlutaði fyrirtækjum norsks eldisrisa kvóta þvert á lög
Byggðastofnun gerði samning um úthlutun 800 tonna byggðakvóta á ári í sex ár í því skyni að treysta byggð á Djúpavogi. Þetta gerði Byggðastofnun þrátt fyrir að fyrirtækin sem hún samdi við séu í meirihutaeigu norskra laxeldisrisa og að íslensk lög banni slíkt eignarhald í íslenskri útgerð.
Kvóti útgerða vanmetinn um 800 milljarða
Íslenskar útgerðir eiga bókfærðar eignir upp á 830 milljarða króna samtals. Af þessum eignum er kvóti sagður 405 milljarða króna virði. Raunverulegt verðmæti kvótans er hins vegar um 1.200 milljarðar króna.
Rúmlega 500 milljarða kvóti mun renna til erfingja aldinna eigenda 14 stórútgerða
Meirihluti hlutabréfa í 14 af 20 stærstu útgerðum Íslands er í eigu einstaklinga 60 ára eða eldri. Framsal hlutabréfa eigenda Samherja til barna sinna er því bara eitt dæmi af mörgum sambærilegum tilfellum sem munu eiga sér stað með kynslóðaskiptum í eignarhaldi á íslenskum sjávarútvegsfyrirtækjum. Fosætisráðherra segir málið sýna mikilvægi þess að setja auðlindaákvæði í stjórnarskrá svo afnotaréttur á kvóta geti ekki erfst kynslóð fram af kynslóð.
Katrín um Samherjaarfinn: Afnotaréttur á kvóta á ekki að erfast
Katrin Jakobsdóttir forsætisráðherra segir ótækt að afnotaréttur á fiskiveiðikvótum erfist. Hún segir að hún muni leggja fram frumvarp um auðlindaákvæði í stjórnarskrá til að koma í veg fyrir þetta.
Athugasemdir