Fréttir Manndráp í Mosfellsdal

Saklaus af árásinni í Mosfellsdal: „Ég á enga samleið með þessu fólki“

Andrea Unn­ars­dótt­ir var nefnd sem ein hinna hand­teknu í mann­dráps­mál­inu í Mos­fells­dal. Hún er hins veg­ar frjáls.

Saklaus af árásinni í Mosfellsdal: „Ég á enga samleið með þessu fólki“
Mynd: Facebook
Birtist upphaflega í Stundinni fyrir rúmum 9 árum.

„Ég væri ekki að svara í símann ef ég væri í haldi. Ég væri í eingangrun. Ég er heima hjá mér á Stokkseyri. Ég kem ekki nálægt neinu af þessu,“ segir Andrea Unnarsdóttir, sem hefur verið ranglega nefnd í fjölmiðlum í tengslum við manndráp í Mosfellsdal.

Andrea Unnarsdóttir var í morgun nefnd í frétt DV.is sem ein hinna handteknu í manndrápsmáli í Mosfellsdal, þar sem hópur fólks réðst á karlmann um fertugt með þeim afleiðingum að hann lést. Fimm karlmenn og ein kona voru handtekin.

Andrea er hins vegar ekki í haldi. Orðrómur var um að hún væri meðal hinna handteknu, en hún segir að ekki hafi verið haft samband við hana áður en frétt um handtöku hennar var birt á DV.is. Hún þekkir hina handteknu, en hefur tekið þá stefnu í lífinu að koma sér úr tengslum við glæpastarfsemi. Í því skyni flutti hún á Stokkseyri, þar sem hún segist reyna að bæta líf sitt. „Ég tengist þessum heimi ekki neitt. Ég er löngu komin í burtu frá þessu öllu saman. Ég er búin að vera að berjast við þetta lið allan þennan tíma. Að halda mér í burtu, að halda þeim í burtu. Ég er komin burt úr borginni, út úr þessu öllu saman. Síðan þá er búið að stela mótorhjólinu mínu tvisvar, reynt að kveikja í húsinu mínu, það er búið að keyra yfir hundinn minn og stinga annan þeirra. Þetta er gert til að koma mér illa.“

DV hefur beðist afsökunar á rangri nafnbirtingu.

Umfjöllun um AndreuAndrea frétti að hún hefði verið til umfjöllunar sem handtekin í manndrápsmáli.
Mynd: Skjáskot / DV

Andrea var á sínum tíma dæmd fyrir líkamsárás og hlaut viðurnefnið Andrea „slæma stelpa„. Hún segist vilja losna við að vera tengd við glæpastarfsemi. „Ég fæ ekki íbúð, ég fæ ekki vinnu, ég er löngu komin út úr þessu kjaftæði.“

Hún og Jón Trausti Lúthersson, einn hinna handteknu í málinu, eru æskuvinir, en hún segist hafa rofið öll tengsl.

„Ég þekki þetta fólk. En ég á enga samleið með þessu fólki í dag. Ég er að reyna að berjast fyrir börnunum mínum. Ég er orðin löghlýðin. Edrú. Ég er komin út í sveit. Ég vil ekkert af þessu fólki inn í mitt líf.“

Árásin á manninn í Mosfellsdalnum var hrottafengin. Samkvæmt frétt Vísis var maðurinn heima hjá sér með konu og nýfæddu barni þegar barið var að dyrum og beðið um hann. Þá hafi maðurinn verið barinn með járnkylfum og hann tekinn hálstaki meðan höggin dundu á honum. Eftir það hafi amerískum pallbíl verið ekið yfir fætur hans.

„Þetta reddast aldrei.“

Andrea setti inn Facebook-status í morgun þar sem hún lýsti sorg sinni vegna málsins. „Er sorgin og söknuður virkilega allt sem býðst eftir allt? Allir bardagar sigraðir. Sannleikurinn fallegri og ekta. Frelsið áunnið og kostaði allt. En það sem er ekki hirt er drepið frá manni ... Sjálfsblekkingin blekkir sorgina og söknuðinn. Pollýanna var veruleikafirrtur kókaínfíkill, bara svo það sé á hreinu. Þetta reddast aldrei.“

Frá vettvangiKarlmaður um fertugt lést eftir hrottalega líkamsárás.
Mynd: Pressphotos

 

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Manndráp í Mosfellsdal

Mest lesið

Mest lesið

Mest lesið í vikunni

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Halldór Jörgen Olesen
3
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.
Samfylkingin klofnar vegna brottfararstöðvar: Hvað annað átti að gera?
4
Stjórnmál

Sam­fylk­ing­in klofn­ar vegna brott­far­ar­stöðv­ar: Hvað ann­að átti að gera?

Þing­nefnd­in sem fjall­aði um ný­sam­þykkta brott­far­ar­stöð fékk ábend­ing­ar og hug­mynd­ir að minnst tíu öðr­um leið­um sem hægt væri að fara en að setja börn í lok­að úr­ræði í brott­far­ar­stöð. Sam­fylk­ing­in virð­ist klof­in í af­stöðu sinni til máls­ins þó að þingl­ið flokks­ins hafi hreykt sér af sam­þykkt lag­anna.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Mest lesið undanfarið ár