Nabakowski-bræður búa í Kötlu­fell­inu í Breið­holti hjá móður sinni, sem mikið hefur mætt á.

Bræð­urnir urðu altal­aðir eftir að þeir voru hand­teknir og dæmdir í gæslu­varð­hald vegna rann­sóknar á mann­drápi í Mos­fells­dal í byrjun mán­að­ar­ins. 

„Þetta var hræði­leg upp­lifun,“ segir Rafal Nabakowski. 

Þeir segj­ast komnir með nóg af fyrri lífs­stíl sínum og vilja byggja upp mann­orð sitt og sjálfa sig. „Mig langar að laga mann­orðið mitt í sam­bandi við þetta. Út af því að ég er ekk­ert svo slæmur gæi, sko. Ég er eng­inn morð­ingi.“ 

Fluttu barnungir til Íslands

Nabakowski-bræður fluttu til Íslands þegar Marcin var 10 ára og Rafal 11 ára. Þeir bjuggu upp­haf­lega á Hvamms­tanga, en eftir eitt ár lá leiðin til Grund­ar­fjarðar, þar sem þeir bjuggu í um fjögur ár, áður en þeir fluttu í höf­uð­borg­ina.

„Mamma vildi geta átt meira af pen­ingum og betra líf með börn­unum,“ segir Rafal.

Eftir flutn­ing­inn til Íslands seg­ist Rafal hins vegar hafa verið lagður í ein­elti.

„Ég var lagður svo­lítið mikið í ein­elti sem krakki,“ segir hann. „Þeir voru að kalla mig „pólski hommi“. Það var búið að búa til lag um mig. Ég vann bara sjálfur úr því. Fyrst tal­aði ég við kenn­ar­ana og svona. En svo bara virk­aði það ekki. Ég bara lamdi þá. Þá hættu þeir að leggja mig í ein­elti.“