Lögreglustjóri sagður hafa tekið ólögmæta ákvörðun til að bregðast við fjölmiðlaumfjöllun

Lög­reglu­full­trú­anum úr fíkni­efna­deild, sem vikið var frá störfum í jan­úar með ólög­mætum hætti, var tjáð að með brott­vikn­ing­unni væri yfir­stjórn lög­regl­unnar að bregð­ast við fjöl­miðlaum­fjöllun sem farið hefði af stað um meinta spill­ingu í fíkni­efna­deild. Frá þessu er greint í umfjöllun um máls­á­stæður kæru­að­ila í úrskurði inn­an­rík­is­ráðu­neyt­is­ins.

Eins og fram kom í gær telur inn­an­rík­is­ráðu­neytið að emb­ætti lög­reglu­stjór­ans á höf­uð­borg­ar­svæð­inu hafi farið á svig við með­al­hófs­reglu stjórn­sýslu­laga þegar mann­inum var vikið frá störfum og hefur sú ákvörðun verið felld úr gildi. Lög­reglu­stjór­inn hafi byggt hina íþyngj­andi ákvörðun ein­ungis á ásök­unum og orðrómi en ekki rann­sókn­ar­gögnum. Þá kemur fram að þegar ákvörð­unin var tekin hafi ekki verið komin fram ný gögn eða upp­lýs­ingar sem rennt hafi sterk­ari grun undir meint brot lög­reglu­manns­ins. 

Manninum var vikið tíma­bundið frá störfum þann 14. jan­úar 2016, en vik­urnar og dag­ana á undan höfðu fjöl­miðlar, einkum Frétta­blaðið og Vísir.is, fjallað umtals­vert um mál­efni fíkni­efna­deildar lög­reglu, ann­ars vegar um að umræddur lög­reglu­full­trúi hefði verið færður til í