Leyndarmál Sigmundar Davíðs: Frá héraðsdómi til Tortólu

Anna Sig­ur­laug Páls­dóttir, eig­in­kona Sig­mundar Davíðs, Gunn­laugs­sonar, stefndi föður sínum árið 2006 vegna deilna um arf sem hún taldi sig eiga rétt á.  Samkvæmt upp­lýs­ingum um málið úr mála­skrá Hér­aðs­dóms Reykja­víkur var mál Önnu Sig­ur­laugar gegn Páli Sam­ú­els­syni þing­fest í des­em­ber árið 2006. Í kjöl­farið fékk Páll frest til að skila grein­ar­gerð í mál­inu sem hann og gerði. Málinu var úthlutað til hér­aðs­dóm­ar­ans Hervarar Þor­valds­dóttur. Málið var svo fellt niður sum­arið 2007 án þess að gerð væri dómsátt og var engin form­leg með­ferð í mál­inu umfram það sem hér segir. Í kjöl­far þessa fékk Anna Sig­ur­laug fyr­ir­fram­greidda arf­inn frá föður sínum og end­uðu þessir fjár­munir í skatta­skjól­inu Bresku Jóm­frú­areyjum.

Þetta er meðal þess sem kemur fram í úttekt Stund­ar­innar á máli Wintris Inc., eign­ar­halds­fé­lagi Önnu Sig­ur­laugar á Bresku Jóm­frú­areyjum, sem hún greindi sjálf frá á Facebook-síðu sinni eftir að blaða­mað­ur­inn Jóhannes Kr. Krist­jáns­son spurði Sigmund Davíð Gunn­laugs­son spurn­inga um félagið. Stað­fest­ingin á dóms­mál­inu frá Hér­aðs­dómi Reykja­víkur er sú fyrsta opin­bera sem birt­ist í íslenskum fjöl­miðli og benda tíma­setn­ing­arnar í því máli til að Anna Sig­ur­laug hafi fengið pen­ing­ana sem svo end­uðu á Tortóla um mitt ár 2007. 

Í úttekt Stund­ar­innar er einnig við­tal við sænska skatta­lög­fræð­ing­inn Torsten Fensby, sem er einn helsti sér­fræð­ingur Evrópu í skattaparadísum, og seg­ist hann aldrei hafa vitað til þess að for­sæt­is­ráð­herra í evr­ópsku lýð­ræð­is­ríki teng­ist eign­ar­haldi á fé í skatta­skjóli. „Ég hef aldrei heyrt talað um slíkt dæmi um for­sæt­is­ráð­herra fyrr í reynd.“

Úttekt Stund­ar­innar geta áskrif­endur lesið hér.