Samtökin Læknar án landamæra hafa ákveðið að hætta að taka við styrkjum frá Evrópusambandinu í mótmælaskyni við stefnu sambandsins gagnvart flóttamönnum.
„Við getum ekki þegið styrki frá ESB eða aðildarríkjum þess á sama tíma og við hlúum að fórnarlömbum stefnu þeirra. Svo einfalt er það,“ segir í Twitter-færslu frá samtökunum.
Í yfirlýsingu sem birtist á vef Lækna án landamæra í dag er sérstaklega vísað til afleiðinga samkomulagsins sem Evrópusambandið gerði við Tyrkland fyrr á árinu, en samningurinn felur meðal annars í sér að flóttamenn sem ferðast hafa frá Tyrklandi til Grikklands og ekki sótt um hæli eða ekki fengið hælisumsókn samþykkta eru sendir aftur til Tyrklands með valdi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir