Ég var ekki bara sakaður um eitthvað ljótt, heldur var ég sakaður um hluti sem eru fullkomlega á skjön við mína persónu, mín lífsviðhorf og gildi. Ég var sakaður um að vera algjör andhverfa sjálfs míns og það var sárast af öllu.“ Þannig lýsir Gunnar Scheving Thorsteinsson, lögreglumaður og sakborningur í LÖKE-málinu, lífsreynslu sinni í viðtali við Stundina.
Tilvera Gunnars tók stakkaskiptum á einu augabragði aðfaranótt 14. apríl árið 2014. Hann var staddur í sumarbústað með félögum sínum úr lögreglunni þegar starfsmenn lögregluembættisins á Suðurnesjum þrömmuðu inn, tóku hann fastan og vistuðu í fangaklefa í Grindavík. „Ég trúði varla að þetta væri að gerast. Ég hélt mig væri að dreyma,“ segir Gunnar.
Í hönd fór atburðarás sem hann lýsir sem súrrealískri. Gunnar var leystur frá störfum, borinn þungum sökum í fjölmiðlum og loks ákærður fyrir meinta misnotkun persónuupplýsinga úr LÖKE, málakerfi lögreglu. Nú er hins vegar orðið ljóst að Gunnar var hafður fyrir rangri sök og að alvarlegustu ásakanirnar gegn honum byggðu á sandi.
Rangar upplýsingar frá Suðurnesjum
Þann 6. mars tilkynnti ríkissaksóknari að fallið yrði frá þeim ákærulið sem mesta athygli hafði vakið í fjölmiðlum og varðaði meintar óeðlilegar uppflettingar á konum í málaskrá lögreglunnar. Fyrir liggur að Gunnar fletti ekki upp nema 15 af þeim 45 konum sem hann var sakaður um að hafa skoðað í LÖKE-kerfinu. Ekki hefur verið sýnt fram á annað en að þær flettingar sem eftir standa hafi tengst störfum Gunnars innan lögreglunnar, en hann á tíu ára feril að baki og hefur unnið að þúsundum mála.
LÖKE-málið
Alda Hrönn stígur til hliðar vegna LÖKE-málsins: Sökuð um misbeitingu lögregluvalds
Óréttmætt að víkja Gunnari frá störfum vegna LÖKE-máls
Sýknaður og kominn aftur til starfa
„Saklaus maður sætti ákæru á fölskum forsendum“
Athugasemdir