Aðstoðarmaður forsætisráðherra fer með rangt mál

„Í öðru lagi þarf ekki að lesa neitt eftir fram­sókn­ar­menn til að fá stað­fest að Sig­mundur Davíð var eini stjórn­málafor­ing­inn sem tal­aði um fyrir kosn­ingar að þetta svig­rúm myndi mynd­ast,“ segir Jóhannes Þór Skúlason, aðstoð­ar­maður for­sæt­is­ráð­herra, í athuga­semd við skrif Gunnars Smára Egils­sonar fjöl­miðla­manns á Facebook. Hið rétta er að flestir þeirra flokka sem buðu fram í Alþing­is­kosn­ing­unum 2013 töldu að unnt væri að skapa svig­rúm í glímunni við erlenda kröfu­hafa. Þetta kom marg­sinnis fram í kosn­inga­bar­átt­unni. Bitist var um með hvaða hætti þetta svig­rúm yrði nýtt. Villa Jóhann­esar er sú sama og Þórunn Egils­dóttir og Willum Þór Þórsson gerð­ust sek um í grein sem birt­ist í Frétta­blað­inu á dög­unum og Stundin leið­rétti í gær.