Bein erlend fjár­fest­ing inn­lendra aðila verður ótak­mörkuð en háð stað­fest­ingu Seðla­banka Íslands. Þá verður ein­stak­lingum veitt heim­ild til kaupa á einni fast­eign erlendis á alm­an­aks­ári, óháð til­efni og kaup­verði.

Þetta er á meðal þess sem lagt er til í frum­varpi sem Bjarni Bene­dikts­son, fjár­mála- og efna­hags­ráð­herra, leggur fram á Alþingi á morgun í tengslum við áætlun stjórn­valda um losun fjár­magns­hafta. Til­lög­urnar voru kynntar á frétta­manna­fundi í fjár­mála- og efna­hags­ráðu­neyt­inu áðan. 

Um er að ræða eitt stærsta mál rík­is­stjórnar Sigurðar Inga Jóhanns­sonar og Bjarna Bene­dikts­sonar og eina af ástæðum þess að þeir vildu ekki að gengið yrði til þing­kosn­inga fyrr en í haust þrátt fyrir þann óróa sem skap­að­ist í kjöl­far Panama-hneyksl­is­ins.

Stefnt er að því að auka veru­lega frelsi ein­stak­linga og fyr­ir­tækja til fjár­magns­hreyf­inga til og frá land­inu og til gjald­eyr­is­við­skipta. Þannig verði stór skref stigin í átt að fullri losun fjár­magns­hafta, raunar svo stór að eftir ára­mót ættu fáir að finna fyrir fjár­magns­höft­unum.

Að því er fram kemur í til­kynn­ingu á vef fjár­mála­ráðu­neyt­is­ins gerir áætl­unin ráð fyrir tveimur skrefum. Lagt er til að strax við gild­is­töku frum­varps­ins verði:

Bein erlend fjár­fest­ing inn­lendra aðila ótak­mörkuð en háð stað­fest­ingu Seðla­banka Íslands.

Fjár­fest­ing í fjár­mála­gern­ingum útgefnum í erlendum gjald­eyri, öðrum pen­inga­kröfum í erlendum gjald­eyri og fyr­ir­fram- og upp­greiðsla erlendra lána verði frjáls upp að ákveðnu fjár­hæð­ar­marki,  að upp­fylltum til­teknum skil­yrðum

Ein­stak­lingum veitt heim­ild til kaupa á einni fast­eign erlendis á alm­an­aks­ári, óháð til­efni og kaup­verði.

Dregið úr skila­skyldu inn­lendra aðila á erlendum gjald­eyri. Hún verði afnumin vegna lán­töku ein­stak­linga hjá erlendum aðilum til kaupa á fast­eign eða far­ar­tæki eða til fjár­fest­inga erlendis.

Ýmsar sér­tækar tak­mark­anir afnumdar eða rýmkaðar, m.a. heim­ildir ein­stak­linga til kaupa á ferða­gjald­eyri. 

Heim­ildir Seðla­banka Íslands til upp­lýs­inga­öfl­unar verða auknar svo hann geti betur stuðlað að verð­lags- og fjár­mála­stöð­ug­leika.

Þann 1. jan­úar árið 2017 er svo lagt til að eft­ir­far­andi breyt­ingar taki gildi:

Fjár­hæð­ar­mörk hækkuð til fjár­fest­inga í fjár­mála­gern­ingum útgefnum í erlendum gjald­eyri, öðrum pen­inga­kröfum í erlendum gjald­eyri og fyr­ir­fram- og upp­greiðslu erlendra lána.

Inn­stæðu­flutn­ingur heim­il­aður innan ofan­greindra fjár­hæð­ar­marka.  Skilyrði um inn­lenda vörslu­að­ila erlendra verð­bréfa­fjár­fest­inga fellt niður. Þar með munu inn­lendir og erlendir aðilar geta flutt inn­stæður og verð­bréf til og frá land­inu og átt við­skipti með verð­bréf erlendis innan þeirra marka sem frum­varpið setur þeim.

Heim­ildir ein­stak­linga til kaupa á gjald­eyri í reiðufé rýmkaðar veru­lega.

Í til­kynn­ing­unni segir jafn­framt:

Með þeim ráð­stöf­unum sem settar eru fram í frum­varp­inu ættu fjár­magns­höftin ekki að setja þorra ein­stak­linga veru­legar skorður og mjög fáum eftir næstu ára­mót. Áætlað er að þær breyt­ingar sem frum­varpið felur í sér muni leiða til þess að beiðnum um und­an­þágu frá lögum um gjald­eyr­is­mál fækki um 50–65%. Jafn­framt má gera ráð fyrir því að afgreiðslu­tími und­an­þágu­beiðna stytt­ist til muna. Frum­varpið hefur ekki áhrif á heim­ildir aflandskrónu­eig­enda.