Þessi grein birtist upphaflega í Stundinni fyrir meira en 6 árum.

Fréttir

Bróðir ráðherrans sem skipaði Sigríði án auglýsingar fékk stöðu án auglýsingar

Helmingur yfirstjórnenda lögreglu fékk stöðuna án auglýsingar. Einn þeirra er bróðir ráðherrans sem skipaði Sigríði í embætti lögreglustjóra án auglýsingar árið 2014 þegar Sigríður þagði um upplýsingar í lekamálinu sem rannsakendur hefðu viljað búa yfir.

20. september 2019 · 15:30

Jóhann Páll Jóhannsson

ritstjorn@heimildin.is

Sigríður Björk Guðjónsdóttir, sem var skipuð lögreglustjóri af Hönnu Birnu Kristjánsdóttur fyrrverandi dómsmálaráðherra án auglýsingar, skipaði síðar bróður ráðherrans í yfirmannsstöðu án auglýsingar.

Þetta er á meðal þess sem fram kemur í ítarlegri umfjöllun Stundarinnar um ráðningarmál hjá lögreglu í nýjasta tölublaði, en fimm af tíu yfirstjórnendum lögreglunnar á höfuðborgarsvæðinu gegna stjórnunarstöðu sem þeir fengu á grundvelli undanþága frá meginreglu starfsmannalaga um að auglýsa skuli laus störf.

Upplýsti ekki lögreglu um atriði sem gáfu „sterklega til kynna“ hver var sekur í lekamálinu

Þegar Hanna Birna skipaði Sigríði stóð lekamálið svokallaða sem hæst og hafði Stefán Eiríksson látið af embætti lögreglustjóra í kjölfar þrýstings og ítrekaðra afskipta ráðherra af lögreglurannsókn málsins eins og DV fjallaði um og umboðsmaður Alþingis síðar staðfesti. Síðar upplýsti DV um að Sigríður Björk hafði, sem lögreglustjóri á Suðurnesjum, átt í samskiptum við aðstoðarmann ráðherra úr síma sonar síns og sent aðstoðarmanninum trúnaðargögn um hælisleitendur um það leyti sem hann lak slíkum upplýsingum til fjölmiðla. Sigríður hafði ekki upplýst lögreglu eða ákæruvaldið um samskiptin þá fimm mánuði sem rannsókn lekamálsins stóð yfir en haft var eftir vararíkissaksóknara í Kjarnanum að rannsakendur hefðu „gjarnan viljað fá“ þessar upplýsingar frá Sigríði, enda hefðu þær gefið „sterklega til kynna með öðru hver hefði staðið að lekanum eins og síðar kom í ljós“. Málið olli óánægju innan lögreglu þar sem mörgum fannst undarlegt að verða undirmenn einhvers sem hafði mánuðum saman haldið mikilvægum upplýsingum leyndum fyrir lögreglu í rannsókn sem beindist að ráðuneyti sama ráðherra og skipaði Sigríði Björk í embætti lögreglustjóra án auglýsingar.

Sigríður Björk Guðjónsdóttir var skipuð lögreglustjóri á höfuðborgarsvæðinu haustið 2014. Málið vakti mikla athygli, enda var staðan ekki auglýst heldur Sigríður flutt í embættið á grundvelli 36. gr. starfsmannalaga sem veitir stjórnvöldum undanþágu frá auglýsingaskyldunni og heimilar flutning milli embætta.

Mikið hefur verið um stöðuveitingar án auglýsingar hjá lögreglunni á höfuðborgarsvæðinu síðan veitingarvaldið féll Sigríði Björk í skaut og þetta valdið talsverðri ólgu.

Einn þeirra sem fengið hafa yfirmannsstöðu hjá lögreglu án auglýsingar í tíð Sigríðar er Theodór Kristjánsson, bróðir Hönnu Birnu, ráðherrans sem gerði Sigríði Björk að lögreglustjóra höfuðborgarsvæðisins án auglýsingar á sínum tíma.

Theodór var ráðinn aðstoðaryfirlögregluþjónn 1. janúar 2008 samkvæmt auglýsingu og fluttur tímabundið í stöðu yfirlögregluþjóns þann 1. apríl 2019 á grundvelli 36. gr. starfsmannalaga. Hann hafði þó setið í yfirstjórninni síðan 2017, en það ár tók hann við stöðu yfirmanns kynferðisbrotadeildar. Eru yfirlögregluþjónar skipaðir af lögreglustjóra samkvæmt 28. gr. lögreglulaga.

Fram kemur í svörum lögreglu við fyrirspurn Stundarinnar um málið að Theodór hafi verið „fluttur tímabundið í stöðu yfirlögregluþjóns þann 1. apríl 2019 á grundvelli 36. gr.“. Samkvæmt bréfi sem dómsmálaráðuneytið sendi lögreglustjórum landsins í vor á hins vegar 36. gr. starfsmannalaga fyrst og fremst við þegar um varanlega ráðstöfun er að ræða, enda hvergi í 36. gr. kveðið á um heimild til að flytja menn tímabundið á milli embætta í formi setningar.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Lekamálið

Fréttir

Hanna Birna valin í stjórn Jafnréttissjóðs Íslands

Hanna Birna Kristjánsdóttir, fyrrverandi innanríkisráðherra, sagði af sér ráðherradómi og hætti í stjórnmálum eftir að hafa verið staðin að því að segja Alþingi margsinnis ósatt um mál er varðaði brot gegn einstæðri móður frá Nígeríu. Nú er hún einn af fulltrúum Alþingis í stjórn Jafnréttissjóðs Íslands.

Fréttir

Umboðsmaður Alþingis: Borgarar verða að geta treyst því að stjórnmálamenn skipti sér ekki af lögreglurannsóknum

„Ég tel nauðsynlegt sem umboðsmaður Alþingis að vera á varðbergi um að slík þróun verði ekki í íslenskri stjórnsýslu,“ segir umboðsmaður í umfjöllun sinni um háttsemi Hönnu Birnu Kristjánsdóttur í ársskýrslu fyrir 2015. Afskipti ráðherra af störfum lögreglunnar drógu dilk á eftir sér.

Leiðari

Ingibjörg Dögg Kjartansdóttir

Fórnarlömb feðraveldisins

Það er sorgleg nálgun á jafnréttisbaráttuna, sem er mannréttindabarátta og snýst um frelsi einstaklinga, sömu tækifæri fyrir alla og jafnan rétt, að konur megi vera jafn spilltar og karlar.

FréttirLekamálið

„Fjölmiðlar hafa engan áhuga á sátt og samstöðu“

Hanna Birna segir stjórnmálin ekki hafa gefið sér tækifæri til að rækta það góða í sjálfri sér. Karlar njóti mýkri meðferðar en konur. Samkvæmt heimildum Stundarinnar hefur Hanna Birna gagnrýnt flokkssystkini sín fyrir að hafa ekki veitt sér sama stuðning og Illugi fékk í hremmingum sínum.

Pistill

Sigurbjörg Sigurgeirsdóttir

Er spilling á ábyrgð stjórnvalda eða almennings?

Sigurbjörg Sigurgeirsdóttir stjórnsýslufræðingur skrifar um spillingu á Íslandi og kenningar Gunnars Helga Kristinssonar um hana.

FréttirLekamálið

Þrengt að umboðsmanni

Umboðsmaður Alþingis mun ekki fá nægilegt fjármagn til þess að sinna frumkvæðisathugunum. Ákvörðunin kemur í kjölfar harðrar gagnrýni flokksmanna ríkisstjórnarflokkanna á störf umboðsmanns í lekamálinu, sem sneri að ráðherra ríkisstjórnarinnar.

Mest lesið

Stjórnmál

Bað ráðherra að taka afstöðu til ummæla Gísla Marteins

Snorri Másson, þingmaður Miðflokksins, hóf umræðu á Alþingi um „niðurskurðarhugmynd“ vegna ummæla Gísla Marteins Baldurssonar, þáttarstjórnanda hjá RÚV, og bað ráðherra að taka afstöðu til þeirra.

Erlent

Hamas fer hamförum á frelsuðu svæðunum

Átta menn teknir af lífi á götum Gaza á meðan Hamas-samtökin taka aftur völd á svæðinu eftir vopnahlé.

Stjórnmál

Dóttir Sigríðar send af Mogganum á landsþing

Brynhildur Glúmsdóttir, dóttir Sigríðar Á. Andersen, sótti landsþing Miðflokksins sem blaðamaður Morgunblaðsins. Hún tók meðal annars viðtöl við samstarfsfólk móður sinnar í þingflokknum.

Spurt & svarað

Er búið að eyðileggja miðborgina?

Guðrúnu Hafsteinsdóttur, formanni Sjálfstæðisflokksins, finnst vera búið að eyðileggja miðborg Reykjavíkur. Gangandi vegfarendur sem Heimildin náði tali af í miðbænum eru þó fæstir á sömu skoðun.

Fólkið í borginni

Heimsótti Ísland og flutti hingað tveimur vikum síðar

Dana Polishchuk kom í heimsókn til Íslands síðasta sumar og tók í kjölfarið skyndiákvörðun um að kveðja stríðshrjáða Úkraínu og setjast að í Reykjavík. Hún nýtur þess að hér sé rólegt og finnst ekki eins erfitt að læra íslensku eins og oft er talað um.

Staðreyndavaktin

Hver er sannleikurinn um innflytjendur og flóttamenn?

„Öflugt velferðarkerfi og opin eða lek landamæri eru ósamrýmanleg,“ sagði Sigmundur Davíð Gunnlaugsson formaður Miðflokksins á landsfundi sem fram fór um helgina. Innflytjendum hefur fjölgað ört en umsóknum um alþjóðlega vernd á Íslandi hefur fækkað verulega síðan 2022.

Mest lesið

Mest lesið í vikunni

Stjórnmál

Bað ráðherra að taka afstöðu til ummæla Gísla Marteins

Erlent

Hamas fer hamförum á frelsuðu svæðunum

Átta menn teknir af lífi á götum Gaza á meðan Hamas-samtökin taka aftur völd á svæðinu eftir vopnahlé.

Skoðun

Sif Sigmarsdóttir

Hvar er vandlætingin? Hvar eru dólgslegar upphrópanirnar?

Kynslóð fólks leitar nú á náðir skáldskapar í von um að henda reiður á eigin veruleika.

Viðskipti

Glitnismenn á barmi endurkomu

Fyrrverandi bankastjóri Glitnis, Bjarni Ármannsson, verður meðal stærstu hluthafa í Íslandsbanka, gangi samruni bankans við Skaga eftir. Fjárfestingafélag undir forystu Jóns Ásgeirs Jóhannessonar verður líka stór hluthafi. Þeir voru viðskiptafélagar í bankanum og í REI-málinu umdeilda en leiðir skildu um tíma.

Viðtal

Heimaskólinn ákveðin forréttindi

Systkini í Mosfellsbæ fóru í hefðbundinn grunnskóla í haust eftir að hafa verið í heimaskóla síðustu ár. Sólveig Svavarsdóttir, móðir þeirra, sem sinnti heimakennslunni, segir þetta hafa verið dýrmæta reynslu fyrir alla fjölskylduna. Ekkert sveitarfélag hefur veitt heimild til heimakennslu á yfirstandandi skólaári, samkvæmt upplýsingum frá mennta- og barnamálaráðuneytinu.

Stjórnmál

Dóttir Sigríðar send af Mogganum á landsþing

Mest lesið í mánuðinum

Viðskipti

Fjárfesti í íslenskum félögum eftir að Ásgeir varð seðlabankastjóri

Sjóður Helgu Viðarsdóttur, unnustu Ásgeirs Jónssonar seðlabankastjóra, tók þátt í frumútboði Íslandsbanka árið 2021. Seðlabankinn sagði gengi krónu og vaxtaákvarðanir ekki hafa áhrif á sjóðinn, enda fjárfestingar sjóðsins erlendis. Veik króna gagnvart dollara kom „eins og bónus“ sagði Helga.

Fréttir

Efast að niðurfelling gjalda skili sér: „Ég treysti ekki olíufélögunum“

Þingmennirnir Ragnar Þór Ingólfsson og Vilhjálmur Árnason segjast ekki treysta olíufélögunum til að lækka verð samhliða hækkun kílómetragjalds.

Vettvangur

Laugardagskvöld með Vítisenglum

Heimildin fékk að fara í gleðskap alræmdustu vélhjólasamtaka landsins, Hells Angels. Lögreglan hefur verið með gríðarlegan viðbúnað vegna veisluhaldanna.

Nærmynd

Endurkoma Jóns Ásgeirs

Jón Ásgeir Jóhannesson er aftur orðinn stór á matvörumarkaði, fasteignamarkaði, í fjölmiðlum, ferðaþjónustu, tryggingum, áfengissölu, bensínsölu, lyfjum og stefnir á vöxt erlendis. Veldi hans og eiginkonu hans, Ingibjargar Pálmadóttur, minnir á uppbygginguna fyrir bankahrun þegar hann stýrði Baugi, Glitni og 365 miðlum en hlaut enga dóma í málaferlum sem fylgdu honum í meira en áratug.

Viðskipti

Viðsnúningur í fjölskyldufyrirtæki Guðrúnar

Kjörís, ísgerð í eigu Guðrúnar Hafsteinsdóttur, formanns Sjálfstæðisflokksins, og systkina hennar, skilaði tæplega ellefu milljóna króna hagnaði árið 2024 eftir 41,5 milljóna tap árið áður. Viðsnúningnum er þakkað hagræðingu og nýjum vélbúnaði. Systurfélag hagnaðist um 7 milljónir.

Viðtal

„Það var enga vernd að fá“

„Við sitjum eftir í sorg, horfum yfir sögu sonar okkar og klórum okkur í höfðinu. Eftir stendur spurningin: Hvað gerðist?“ segir Hjörleifur Björnsson, en sonur hans, Hávarður Máni Hjörleifsson, svipti sig lífi þann 2. september, aðeins tvítugur. Feðgarnir voru báðir áhugamenn um tónlist, greindir með ADHD og glímdu ungir við fíkn, en eitt greindi þá að. Hávarður var brotinn niður af kerfi sem hann féll ekki inn í.