Hanna Birna Krist­jáns­dóttir, fyrr­ver­andi inn­an­rík­is­ráð­herra, gagn­rýndi harð­lega íslenska stjórn­mála­menn­ingu og fjöl­miðla í Viku­lok­unum á Rás 1 í dag. Þar var hún til við­tals ásamt þing­mönn­unum Björt Ólafs­dóttur, Ögmundi Jónassyni og Karli Garð­ars­syni. Benti Hanna Birna á að konur fengju oft harð­ari útreið í stjórn­málum heldur en karlar. 

Mynd: Pressphotos

„Mér finnst konur mæta allt öðrum veru­leika en vinir mínir strák­arnir, alla­vega í mínum flokki,“ sagði Hanna Birna. Leiða má líkum að því að þarna hafi hún óbeint verið að vísa til stuðn­ings­ins sem Illugi Gunn­ars­son, mennta- og menn­ing­ar­mála­ráð­herra, fékk innan Sjálf­stæð­is­flokks­ins þegar staða hans var veik vegna Orku Energy-máls­ins. Samkvæmt heim­ildum Stund­ar­innar gagn­rýndi Hanna Birna sam­herja sína á þing­flokks­fundi í fyrra fyrir að hafa ekki veitt sér sama stuðn­ing í leka­mál­inu og Illugi Gunn­ars­son naut í sínum hremm­ingum.

Engu að síður er ljóst að sjálf­stæð­is­menn vörðu hana af miklum krafti í opin­berri umræðu um leka­málið og skiptu upp heilu ráðu­neyti svo Hanna Birna gæti áfram gegnt ráð­herra­stöðu þrátt fyrir saka­mála­rann­sókn á ráðu­neyti hennar og ákæru rík­is­sak­sókn­ara á hendur aðstoð­ar­manni hennar. Þá neit­aði fjár­mála­ráðu­neyti Bjarna Bene­dikts­sonar að afhenda fjöl­miðlum upp­lýs­ingar um leyni­at­hugun sem fram fór á vegum rekstr­ar­fé­lags stjórn­ar­ráðs­ins. Upp­lýs­ing­arnar áttu síðar eftir að afhjúpa að marg­um­töluð inn­an­húss­rann­sókn rekstr­ar­fé­lags­ins á trún­að­ar­broti inn­an­rík­is­ráðu­neyt­is­ins hafði verið í algjöru skötu­líki.

Í Viku­lok­unum sagð­ist Hanna Birna aldrei mundu hafa trúað því að hún ætti aðeins eftir að sitja í þrjú ár á Alþingi, enda hefðu stjórn­mál alla tíð verið hennar helsta ástríða. „Frá því man eftir mér, pínu­lítið kríli, hefur þetta verið það eina sem mig hefur langað til að gera,“ sagði hún. 

Hanna Birna sagð­ist upp­haf­lega hafa farið inn í stjórn­mál til að breyta hug­mynd­inni um konur. Þetta hefði ekki gengið og hjarta hennar væri ekki lengur í stjórn­mál­unum. „Mér finnst ganga of hægt að breyta stjórn­mál­unum, mér finnst þau gam­al­dags, mér finnst þau staðin, mér finnst þau kalla á enda­laus átök, mér finnst þau kalla á upp­still­ingar á svörtu og hvítu, mér finnst þau ekki gefa mér tæki­færi til að rækta það góða í mér og mér finnst um leið að það skili ekki góðu fyrir almenn­ing,“ sagði hún. 

Þá vék hún að fjöl­miðlum en við­ur­kenndi jafn­framt að ekki væri vin­sælt að gagn­rýna þá. „Fjöl­miðlar hafa engan áhuga á sátt og sam­stöðu,“ sagði Hanna Birna og bætti því við að hvað þetta varð­aði lang­aði hana í „annan veru­leika“. Það væri ekki aðeins stjórn­mála­mönnum að kenna að staða stjórn­mál­anna væri baga­leg heldur einnig fjöl­miðlum. „Menn vilja frekar heyra að við Ögmundur séum ósam­mála og séum að takast á, menn vilja frekar frétt­ina um Eygló sem sat hjá heldur en um okkur sem tókst að vinna rosa­lega stór og góð mál inn á þingi, menn vilja frekar þær fréttir, þær selja og það er líka bara stað­reynd lífs­ins,“ sagði hún. Skemmst er að minn­ast þess að á fimmtu­dag­inn gagn­rýndi Bjarni Bene­dikts­son, for­maður Sjálf­stæð­is­flokks­ins, fjöl­miðla harð­lega og sagð­ist hafa á til­finn­ing­una að þeir hefðu enga rit­stjórn­ar­stefnu, fylgdu engum þræði og væru eins og tóm skel. 

Ögmundur Jónasson, þing­maður Vinstri grænna og for­maður stjórn­skip­unar- og eft­ir­lits­nefndar Alþingis, sagð­ist í spjall­inu í Viku­lokum ekki hafa upp­lifað að konur fengju harð­ari útreið í stjórn­málum en karlar. Hann sagð­ist stundum hafa á til­finn­ing­unni að konur væru „að nýta sér svona tal sér til fram­dráttar“. Þá hafn­aði hann hug­myndum Hönnu Birnu um sam­ræðu- og sátta­stjórn­mál og sagði mik­il­vægt og eðli­legt að átaka­lín­urnar í stjórn­málum væri sem sýni­leg­astar.